Кьеллини фаолиятини якунлаш ниятида эмас

Футболчи ўзини янги жамоада синаб кўрмоқчи эканлигини айтди. Унинг хизматларига МЛСнинг икки клуби - "Ванкувер Уайткэпс" ва "Лос-Анжелес Гэлакси" қизиқиш билдирмоқда.

"Ювентус" менга кўп нарса берди, мен жамоадан қарздорман, лекин энди мен нафақат футболдан, балки шахсий ҳаётимдан ҳам завқланадиган янги жойга боришни хоҳлайман", - дейди италиялик ҳимоячи.

Эслатиб ўтамиз, Кьеллини Турин клуби билан шартномаси тугашига яна бир йил қолганига қарамай, "Ювентус"ни тарк этишга қарор қилди. Агар Италия терма жамоаси Қатардаги жаҳон чемпионатига йўл олганида, Жоржио яна бир мавсум клубда қолган бўларди.