"Келажак юлдузлари". Иккинчи кун натижалари

Маълумки, ушбу мусобақада жами 20та жамоа иштирок этмоқда. Тошкент шаҳар ихтисослаштирилган болалар ва ўсмирлар спорт мактаби залида бундан аввал "Олтин куз" мусобақаси ташкил этилганди. Мана энди навбатдаги мусобақа ҳам шу ерда бўлиб ўтяпти. 

Ўзбекистон футбол федерацияси ва Тошкент шаҳар футбол федерациясининг ўзаро ҳамкорлигида ташкил этилган мазкур фестивалда бугун иккинчи кун учрашувлари ўтказилди. Қуйида натижаларни келтириб ўтамиз. 

2007 йилда туғилганлар
"Odil Junior" (Наманган) - "Насаф-2" 1:3 
"Косонсой" - "Насаф" 4:4 
"Металлург" – БЎСМ 5:3 
Бекобод - "НефтГазМонтаж" 1:4 
"Odil Junior" (Тошкент) - "Локомотив-Бойсун" 2:1 
"Мега Спорт" - "Junior Football" 3:2 

2008 йилда туғилганлар
"Мега Спорт" - “Насаф”-2 1:4 
БЎСМ (Учкўприк) - “Насаф” 3:2   
"Odil Junior" – Бекобод 4:4 
"Junior Football"- ИБЎСМ (Тошкент) 3:6

Мазкур мусобақа фестивал тартибида ўтаётгани боис жамоаларнинг очкоси ҳисобланмайди ва якунда барча иштирокчиларга кубок, махсус диплом ҳамда олтин медаллар топширилади. Бундан кўзланган мақсад ҳеч кимнинг хафа бўлмасдан ўйин амалиётига эга бўлиши ва болакайларнинг футболдан роҳат олишларини таъминлашдир.

Эртага учинчи кун баҳслари ўтказилади ва шу билан турнирга якун ясалади.