Кеча Ўзбекистон терма жамоаси сафида 8 нафар футболчи дебют қилди
04 сен 2020 11:20
Новости

Кеча Ўзбекистон терма жамоаси сафида 8 нафар футболчи дебют қилди

3 сентябрь куни Ўзбекистон терма жамоаси Тошкентда Тожикистон билан ўртоқлик учрашуви ўтказди.

Мазкур баҳсда Вадим Абрамов терма жамоада 8 нафар дебютант хизматидан фойдаланди.

Булар Абдувоҳид Неъматов, ИброҳимҲалил Юлдашев, Ҳусниддин Алиқулов, Акмал Мозговой, Искандар Шойқулов, Шаҳзод Убайдуллаев, Ҳожимат Эркинов ва Фаррух Икромов.

Шаҳзод Убайдуллаев дебют учрашувидаёқ гол уришга эришди.

Терма жамоа сафида олтинчи учрашувида майдонга тушган ҳимоячи Мурод Холмуҳаммедов Ўзбекистон терма жамоаси либосидаги дастлабки голини урди.

Убайдуллаев терма жамоамиз сафида гол урган 95-футболчига айланди. Холмуҳаммедов бу борада 96-бўлди.

Абдувоҳид Неъматов Ўзбекистон терма жамоаси дарвозасини қўриқлаган 25-дарвозабонга айланди.