Каннаваро: "Наполи" мухлислари ўрнида мен ҳам Игуаинга хуштак чалган бўлардим"
04 апр 2017 14:47
Новости

Каннаваро: "Наполи" мухлислари ўрнида мен ҳам Игуаинга хуштак чалган бўлардим"

Италиялик собиқ ҳимоячи Фабио Каннаваро "Наполи" мухлисларининг "Ювентус" ҳужумчиси Гонсало Игуаинга бўлган муносабати ҳақида фикр билдирди.

Аргентиналик Турин клубидан олдин неаполликлар сафида ўйнаган. А Сериянинг 30-турида "Наполи" - "Ювентус"ни қабул қилди (1:1). Мухлислар бу ўйинда қуйидаги ёзувлар туширилган баннер кўтаришди: "Сен биз учун 1 рақам эдинг, ҳозир эса 71".

"Мухлислар каби Игуаинга хуштак чалган бўлармидим? Албатта. Хуштак ғазаблантиради. Агар улар жуда кўп хуштак чалишса, уни жуда яхши кўришганини, аммо ҳаммаси эсдан чиққанини билдиради. Ишқибозлар бу трансферга реакция билдирмаганида, аламлироқ бўларди деб ўйлайман" - дейди Каннаваро.

Каннаваро "Наполи" тарбияланувчиси ҳисобланади. У 2004-2006 ва 2009-2010 йилларда "Ювентус" шарафини ҳимоя қилган.

Ссылка :

Источник : Football Italia

Получайте новости прямо в Telegram!

Рейтинг: +4