RU

Последние новости

13:13U-20 жаҳон чемпионати-2027. Финалга Ўзбекистон мезбонлик қиладими ёки Озарбайжон?  0 12:50Суперлиганинг 23-турида ҳакамлик таҳлили: нотўғри четлатиш ва белгиланмаган пенальти  0 12:25ЎФА "тилга кирди" ва Каннаваро билан музокаралар ўтказилаётганини маълум қилди  28 12:22Фати "Монако"да ойнинг энг яхши футболчиси деб топилди. "Барса"дан ижарага олинган вингер 3 та ўйинда 4 та гол урди  2 11:58"Реал", "Атлетико" ва МЮнинг собиқ 28 ёшли футболчиси "Интер Майами"га ўтиши мумкин  2 11:27МЮ ва "Ман Сити" "Бавария" футболчи билан боғланди  5 10:58Мареска "Ливерпуль"нинг ҳозирги даражасини баҳолади  2 10:35Андро Гиоргадзе: "Суперлигада қолиш учун курашишимиз керак"  0 10:12"Қўқон-1912" 7 йиллик танаффусдан сўнг Олмалиқдан ғалаба билан қайтган учрашувдан ГАЛEРEЯ  1 10:02ЎФА терма жамоалар бўлими собиқ раҳбари: "Мен бу циркнинг бир қисми бўлишни истамадим"  57 09:40"У яқин кунларда келишини эшитдим. Барчаси душанба куни ҳал бўлади" — МТЖ мураббийи Каннаваро ҳақида  21 09:16Каннаваро Ўзбекистон терма жамоасида Европанинг кучли терма жамоалари мураббийларидан кўра кўпроқ маош олади  43 08:30Клейди Даци: "Биз учун энг муҳим нарса - кўпроқ очко тўплаш"  0 08:02Суперлига. Бугун 3 та учрашув бор  2 07:32Постекоглуга сўнгги имконият берилди  9

Камёб касаликка чалинган модель “Интер”нинг Милан дербиси учун формасини намойиш қилди Новости

Камёб касаликка чалинган модель “Интер”нинг Милан дербиси учун формасини намойиш қилди

Форма ўтган йилги футболкаларга ҳам ўхшаб кетади.

Милан шаҳрида бўлиб ўтган мода ҳафталари кўргазмасида “Интер”нинг янги формаси ҳам кенг оммага тақдим этилди. Бу форма Nike томонидан яратилган. “Интер” бу бренд билан 20 йилдан буён фаолият юритади. Футболкани 24 ёшли модель Винни Харлоу намойиш қилди. У витилиго — танада оқ доғлар пайдо бўлиши касаллигига чалинган. Бу касалликнинг сабаблари ва даволаш усуллари ҳалигача номаълум.

Харлоу Миланга “Интер” футболкасини кийган ҳолда етиб келди. Кейин Byblos намойиши бўлаётган вақтда подиумга чиқди. Byblos — 70 йилларда ташкил топган Италия бренди. Қачонлардир унда Жанни Версаче ҳам ишлаган.

Бу “Интер”нинг махсус футболкаси — у “нерадзурри”нинг 20 йиллик футболкалар элементларини мужассамлаштирган ҳолда тикилган.

2017/18 йилги мавсум

2009/10 йилги мавсум

2014/15 йилги мавсум

2006/07 йилги мавсум

Nike шунга ўхшаш футболкани ноябрда “Барселона” учун ҳам тайёрлаб берганди. Лекин каталонияликлар унда майдонга тушганлари йўқ. Бироқ “Интер” футболкани кийиб, тўп тепиши аниқ. “Corriere dello Sport” маълумотларига қараганда, “Интер” уни 17 март “Милан”га қарши дербида кийиш ниятида экан.

Мактаб пайтлари Харлоуни мазах қилишарди. Энди эса у — “Sports Illustrated” модели.

Канадалик моделни болалигида “зебра” деб мазах қилишган экан. Бунга чидай олмаган Винни ўқишни тамомламай, ташлаб кетган. “Камчилиги бор кўплаб болаларнинг (масалан, витилиго) устидан кулишади, уларни “майна” қилишади”, — дейди модель.


Винни Харлоу — моделнинг тахаллуси. Унинг ҳақиқий исми — Шантель Браун-Янг. У 16 ёшида канадалик журналист Шэннон Будрэмнинг “Natural Me” видеоролигида суратга тушади. Ролик ўзликни севиш ва асл гўзалликни ҳис қила олишга бағишланган эди. Будрэм кейинчалик Харлоуга “Америка услубидаги топ-модель” теле-шоуга боришини айтади. “Суратга олиш якунланганидан сўнг, Шэннон менга қўнғироқ қилди ва мен моделлик билан шуғулланишим кераклигини айтди. У ўша пайт бу менинг биринчи ишим эканига ишонмаган эди”, — дейди Винни.

Теле-шоу бошловчиси Тайра Бэнкс “Natural Me” ролигини кўради ва Виннига қўнғироқ қилиб, уни кўрсатувга таклиф қилади. Харлоу 6-ўринни эгаллади, лекин дунёга танилишга муваффақ бўлди. Шоудан сўнг, у Испаниянинг “Desigual” брендининг юзига айланди.

2019 йил Харлоу “Sports Illustrated” журнали учун сузиш кийимларини кийиб суратга тушди. Бу унинг дебюти эди. Ушбу сўзлар у дунёдаги энг машҳур топ моделлардан бири эканига исбот бўла олади.

“Барча гўзаллик сизга боқиб турган кўзларда деб ўйлайман. Инсон доим шахсий фикрига эга бўлиши керак”, — дейди модель.

Харлоу, Хэмилтон, “Формула-1”

“Интер” футболкаси — Харлоунинг спортга боғлиқ биринчи иши эмас. У Льюис Хэмилтон билан дўст эди. Винни дўсти учун “Tommy Hilfiger” брендини кийиб, суратга тушиб берган. Ўтган ёзда Винни Канаданинг “Гран-при” мусобақасида иштирок этди. У финишда туриб, пойга ўз якунига етганидан сўнг байроқни силкитиши лозим эди. Пойгада иштирокчилар 70 доира айланиб чиқишлари керак эди. Бироқ у буни вақтлироқ, 68-доирада амалга оширди. Ушбу тушунарсиз вазият катта эътирозларга сабаб бўлди.

Халқаро автомобиль федерацияси вакили Чарли Уайт сўзларига қараганда, бир шахс охирги доирани айланиб чиқдим деб ўйлаб, пойгани тўхтатишларини сўраган. Улар ўз навбатида ҳаммасини тасдиқлаб берган. Чунки уларнинг иши вазиятни назорат қилиш эмас, фақат тасдиқлашдан иборат эди. Бунинг натижасида Винни ташкилотчиларнинг буйруғини бажариб, байроқни силкитган.

Ижтимоий тармоқларда қизни роса муҳокама қилишган. Бу иш учун у узр ҳам сўраган. Ўшанда “Формула-1” спорт директори Росс Браун қизнинг ёнини олиб, вазиятни тушунтирди. Бунда Харлоунинг айби йўқлиги, у байроқни вақтлироқ силкитганига сабаб ташкилотчилар унга шундай буйруқ берганини айтди. “Автопойга директори Чарли Уайт вазиятни тушунтирганидан кейин ҳам, Харлоуни айблашда давом этишди. Винни бу ишни ташкилотчилар айтгани учун қилган, холос. Бунинг учун Харлоудан узр сўрайман. Шунингдек, “Формула-1” уни қўллаб-қувватлагани учун уларга ҳам ўз ташаккуримни изҳор этаман”.


Нозима Зарипова таржимаси

Рейтинг: +20   

Комментарии

championat.asia
< посмотреть последние новости
Яндекс.Метрика