Камолиддин Тожиев: "Педро Морейра клубдан кетдими? Раҳбариятдан сўраганингиз маъқул"

"Йигитлар барча режаларни яхши бажаришди дейиш мумкин. Ўйин тўлиқ назоратимиз остида кечди. Тезкор гол уришни мақсад қилгандик. Буни уддаладик ва беллашув давомида ҳужумкор футбол кўрсатдик. Тайёргарлик жараёнида режалаштирган жиҳатларни амалга оширдик", - деди Камолиддин Тожиев.

- Бош мураббий Педро Морейра жамоадан кетдими?
- Буни клуб раҳбариятига берсангиз тўғри бўларди. Ўйин ҳақида савол бўлса марҳамат.

- Алижоновнинг жароҳати жиддий эмасми?
- Менимча жиддий эмас, кўриниб турибди оёғига бутсанинг таги билан зарба беришган.

- Ҳужумчи Риаскосни чап қанотда синаб кўрдингизми?
- У асосан чап ва ўнг қанотларда ўйнайди. Бизнинг тактикамизда шу жойда ўйнамоқда.

- Ҳисобдан келиб чиқсак "Қизилқум" осон таслим бўлгандек туюлди. Сизнинг фикрингиз қандай?  
- Мезбонлар осон таслим бўлишди деб ўйламайман. Улар охиригача курашишди. Бошида пенальтидан гол урдик, иккита голни эса учрашув охирида урдик.