Камо Газаров: "Fалаба қозонишимиз ҳам мумкин эди"

«Ўйиндан олдин «Локомотив»га қарши баҳс оғир ўтишини билардик. Чунки Тошкент жамоаси сўнгги икки ўйинда Чемпионлар Лигасида «Ал Садд» ва Олий Лигада «Бунёдкор»ни йирик ҳисобда мағлуб этганди. Шу боис бу баҳсда асосан қарши ҳужумда рақибни жазолашга интилдик. Бир қатор вазиятлар ҳам яратдик, аммо голни уришга келган омад биз томонда бўлмади. Fалаба қозонишимиз ҳам мумкин эди. Ўйин бошида Игнатий Нестеров яккама-якка вазиятда қўполлик қилиб футболчимизни тўхтатгани учун четлатиши ҳам мумкин эди.

Умумун олганда Азиз Ибрагимов ва Николай Чипевларда ҳам қарши ҳужумда гол уриш учун имкониятлар бор эди, аммо вазиятларда омадимиз келмади. Футболчиларимизга раҳмат дейман. Минглаб мухлисларимиз олдида бор куч ва имкониятларини сарфлаб кучли рақибга қарши жиддий қаршилик кўрсатишди. «Локомотив» эса захирадан туширилган кучли футболчилари эвазига ғалабани илиб кетди. Биз эса асосан маҳаллий ёш йигитларимиз билан уларга жавоб бера олмадик" - дейди "Динамо" клуби ёрдамчи мураббийи.