Жоҳил она! Нима учун "Арсенал" футболчиси онасини кўча дайдисига айлантирди?

Футболчининг онаси ўз интервьюсида айни дамда уйсиз эканлиги, контейнерда кун кечираётганини айтиб ўтган. Эйнсли эса онасига шунчаки ёрдам беришни, шунингдек, акасига у билан алоқага чиқишни ҳам рад этмоқда. Футболчи квартира учун пул тўлашни тўхтатди ва бошқа уйга кўчиб ўтди, онаси эса оила аъзоларидан ҳеч ким билан алоқага чиқмаслигини сўради.

МЭЙТЛЕНД-НАЙЛС ЎЗИ КИМ?

Эйнсли - "Арсенал"нинг етишиб келаётган юлдузи. Ёзда у Англиянинг ёшлар терма жамоаси таркибида бўлди. Терма билан 20 ёшгача бўлганлар ўртасидаги жаҳон чемпионига айланди. У эгоистик қарашлари билан таркибнинг асосий футболчиси эмасди. Ярим ҳимоячини Поль Погбага ўхшатишади. Унда аъло даражадаги техника бор, бироқ ўзида тўпни кўп ушлаб туради ва кўп хато қилади, шерикларини ўйламайди.

"Арсенал"даги бу мавсум футболчи учун катта ютуқ бўлди. Арсен Венгер уни кутилмаганда чап қанот ҳимоясида ўйнатди. Эйнсли АПЛда 9 ўйин ўтказди ва ўзидан яхши таассуротлар қолдира олди.

ФУТБОЛЧИНИНГ ОНАСИ НИМАЛАР БИЛАН ЁДДА ҚОЛДИ?Англия ҳамжамияти футболчининг ўз онасига қилаётган муносабати учун жазо бериш керак деб ҳисоблади, бироқ ўртада катта тарих бор эди. 38 ёшли Жули футболчини фаолиятини бошлашига қаршилик билдирган. Она ўғлининг агенти бўлган ва барча молиявий ишларни назорат қилган. У Эйнсли билан маслаҳатлашмасдан "Арсенал"дан олиб кетиш йўли билан қўрқитган. Бу ҳолат 2015 йилнинг март-апрель ойларида бўлиб ўтган. Аввалига она музокарага таклиф этилган икки "Арсенал" вакилига зарба берган. Кейинчалик у "Арсенал"нинг трансфер ишларига масъул - Дики Лоуни урган. Жулининг фикри ўзгарган, уни фақатгина полиция тўхтатиб қолган. Ҳуқуқ посбонлари уни клуб жойлашган ерга боришини таъқиқлаган, бироқ у ўз ишини давом эттираверган.

Бироз вақт ўтиб, 17 ёшли футболчи ёшлар жамоаси таркибида "Астон Вилла"га қарши ўйин ўтказган. Она стадионга борган ва майдонга тушиб, ўғлини олиб кетишни ўйлаган. Бу орқали аёл клуб томонидан футболчига таклиф қилинган маблағ кам эканлигини кўрсатмоқчи бўлган. "Арсенал"дагилар тезроқ ишларнинг якунланишини истади, футболчининг ҳаётига аралашмасликни маъқул кўришди.

Бу билан ҳам она тинчимади. Ўғлига доимий қаршилик кўрсатди. Эйнсли "Ипсвич"га ижарага берилган вақтларида ҳам худди шундай воқеа юз берди. 2016 йилнинг апрелида у ўз ёши бўйича Англия терма жамоасига чақирилди. "Ипсвич" бош мураббийи Мик Маккарти футболчидан жамоада қолишини, чемпионшипнинг муҳим ўйинларида уни майдонга туширишини айтган. Футболчининг ўзи бунга қарши эмасди, бироқ она умуман бошқа фикрда эди.

Мик Маккарти - эски мактаб мураббийи, "қария ўқувчилар" уни Англия футболининг элитасида "Вулверхемптон"да қандай ишлаганини яхши билади. Ирландияликлар матбуотга баёнот билан чиқишган ва футболчи онасини томонидан жиннига чиқарилган. Мураббий футболчисига клубдан кетишини таъқиқлагани учун аёл ғазабланди. Маккарти ўзининг манзилига йўлланган мана шундай ҳақоратлардан кейин Эйнслини ушлаб турмади. Ўша воқеа содир бўлганидан сўнг у "Ипсвич" таркибида бир ўйинда майдонга тушди ва кейинчалик "Арсенал" таркибига қайтди.

ОНАСИНИНГ ТАЛҚИНИЖули Британия матбуотига умуман бошқача гапларни айтди. Унга кўра, футболчини ўзига қарши қайрашган. Шунингдек, пулларини олиб қўйишган.

"Мен одамлар буюмларини сақлайдиган контейнерда яшаяпман. Бу ерда ойна, ҳожатхона йўқ, ювиниб бўлмайди. У менга уй сотиб олиб бериши мумкин эди. Бироқ пул унинг миясини бузди. Ўғлим "Арсенал" таркибида ўйнамоқда, мен эса уйсизман.

Ўзимни жуда ёмон ҳис қиляпман. Шунчаки қаерда хато қилганимни билишни хоҳлайман. Фақатгина болалигимда пулим йўқ бўлиб, оч қолиб кетганман", - деган эди Жули.

Аёл ишламоқда, бироқ Англия қонунларига кўра унга уй берилмайди.Чунки унинг доимий шуғулланадиган иши йўқ. Шунингдек, унга бирор зот кафил бўлмайди. Футболчи оила аъзоларига у билан алоқага чиқишни рухсат бермаганидан кейин аёл ёлғиз қолди.

2014 йилнинг декабрида Мэйтленд-Найлс Жек Уилширдан кейин ЕЧЛда ўйнаган "Арсенал"нинг энг ёш футболчиси бўлди. Футболчи 17 ёшлигидаёқ ЕЧЛ гуруҳ босқичида ўйнади. Ўша вақтларда ҳам у ўзини онасига ишонмасди.

"Шундай имкониятни тақдим этишгани учун оила аъзоларимни табриклайман. Либосимни эса онамга бераман"

Уч йилдаёқ оила пул муаммосидан қутулди. Она ўғлини "Арсенал"дан йироқ тутишга уринди, пулларга рози бўлмади, энди унинг ўзи контейнерда яшамоқда. Баъзан футболчилар ўз рақибларига ҳам бундай қаттиқ иш қилишмайди. Одам бир иш туфайли бутун бир ўтган ҳаётини ифодалай олади.

Миржалол Норматов таржима қилди