Жиру Франция терма жамоаси сафидаги голлар сони бўйича Анрининг рекордига яқинлашиб олди

Французлар сафида Оливье Жиру дублга эришди. Бу 34 ёшли ҳужумчи учун миллий жамоа либосидаги 41 ҳамда 42-голлар бўлди. Натижада Жиру терма жамоа тарихидаги энг яхши тўпурарлар рўйхатида 41 та гол урган Мишель Платинидан ўзиб кетди ва 2-ўринга кўтарилди. Ундан олдинда фақат Тьерри Анри бор. Анрининг ҳисобида эса 51 та гол мавжуд.

Жиру 42 та гол уриши учун терма жамоа либосида 100 та ўйин ўтказишига тўғри келди.