RU

Последние новости

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

"Жирона" якка пешқадам, "Сосьедад" ва "Реал" устунликни голга айлантира олмади Новости

"Жирона" якка пешқадам, "Сосьедад" ва "Реал" устунликни голга айлантира олмади

Тунда бўлган "Хетафе" – "Кадис" учрашуви Примера-2023/24нинг 12-тури якунига етди.

Одатга кўра, махсус рукнимиз орқали турнинг қизиқ воқеларига эътибор қаратамиз. Демак, bienvenido!


Тур етакчиси

Кутилмаганда, сафарда "Осасуна"ни енгган (4:2) "Жирона" энди чемпионатда якка пешқадамга айланди. Тўғри, учрашувнинг маълум бир қисмида жамоа мухлислари асабийлашишларига тўғри келди – ҳисобни жироналиклар футболчиси Иван Мартин очди, аммо аввал 25 кейин 55-дақиқада гол уриб, дубль қайд этган Анте Будимир "Осасуна"ни олдинга олиб чиқди. 

Лекин "Жирона" ўзини йўқотиб қўймади: Артем Довбик мувозанатни тиклаган бўлса, украиналик бошқа бир футболчи Виктор Циганков каталонияликларни яна олдинга олиб чиқди, Алейш Гарсия эса 90-дақиқада якуний ҳисобни ўрнатди. Бу баҳсда Довбик гол+пас тизимида 1+2 очко тўплагани эътиборга лойиқ – ҳозирга келиб ҳужумчи бутун чемпионатнинг энг сермаҳсул футболчиларидан бири бўлиб турибди. "Жирона"нинг ўзи эса "Райо Вальекано" дарвозасига йўл топа олмаган "Реал"дан икки очкога қочиб кетди.


Тур ғалабаси

"Лас-Пальмас" ҳеч ким кутмаганда "Атлетико"ни таслим этди (2:1) – Кириан Родригес ва Бенито Рамиреснинг голларига меҳмонлардан фақатгина Альваро Мората жавоб бера олди. "Лас-Пальмас" учун (ўз майдонида) тарихий ғалаба: деярли 37 йил деганда "Атлетико" мағлуб этилди – 1987 йил 10 январидан буён биринчиси. Гран-Канария ороли жамоаси 10-ўринга мустаҳкам жойлашиб олди ва еврокубоклар зонасидан 3 очкога қолиб кетмоқда. "Матрасчилар" эса "Барселона"ни олдинга ўтказиб юборишди ва турни тўртинчи поғонада якунлашди.


Тур "апперкоти" 

"Барселона" сафарда "Сосьедад"ни Рональд Араухонинг охирги сониялардаги голи эвазига (1:0) таслим этди. Қизиғи, ўйин асосан мезбонларнинг фаоллиги билан ўтганди. Айнан "Реал Сосьедад" кўпроқ зарба берди, тўп билан кўпроқ муомалада бўлди ва умумий олганда ўйинни назорат қилаётгандек эди, аммо ҳал қилувчи паллада концентрацияни йўқотишди. 


"Сосьедад" ТОП-6дан чиқиб кетди ва "Аноэте"да 10 ойдан кейин яна мағлубиятга учради – ўтган сафар "Вальядолид"га 2023 йил 5 февралида имконият бой берилганди. Арсен Захарян захирада қолдирилди – Иманол Алгуасил фақатгина учта ўзгаришга қўл урди.


Тур сенсацияси

"Реал" "Сантьяго Бернабеу"да "Райо Вальекано" билан нолларга рози бўлишига тўғри келди. Статистика бўйича тўлиқ устунликка эга бўлган "қироллик клуби" (меҳмонлар Кепа дарвозасига бирорта аниқ зарба бера олишмади), гол уришни уддалай олмади. 

Дурангдан кейин "Реал" иккинчи поғонада қолди, аввалроқ айтганимиздек, "Жирона" якка пешқадамга айланди. "Райо" "Реал" стадионида 2000 йил мартидан буён илк марта очко олиб кетишни уддалади – ўшанда ҳам ўйинда ҳисоб очилмаганди.

"Эл Класико", Гранададаги триллер ва антирекорд

"Почти" камбэк

"Вильярреал" "Атлетик" билан ўйинда 0:3 ҳисобидан қайтиб, очко ишлаб олишига сал қолди (2:3). 85-дақиқагача басклар Иньиго Руис де Галаррета ва ака-ука Уильямсларнинг голлари (ҳар иккиси биттадан) эвазига ҳисобда олдинда эдилар, лекин кейин нимадир бўлди: 86-дақиқада Жерар Морено рақиб дарвозасига йўл топа олди, кейинги дақиқада эса Александр Серлот боши билан орадаги фарқни биттагача қисқартирди. 

Сўнгги дақиқалар ҳаяжонли бўлди, аммо "Вильярреал"га ҳали ҳам стабиллик етишмаяпти. "Атлетик" бир поғона юқорилади ва ТОП-4га яқинлашиб олди. Шунга қарамай, "Вильярреал" мухлислари учун ҳам хушхабар бор: клубга Марселино қайтиши мумкин – ҳозир томонлар мураббийнинг кейинги мавсумдан бош мураббийликка қайтиши бўйича музокаралар ўтказишмоқда, лекин Пачете қўл остидаги натижалар яхшиланмаса, Гарсия Тораль эртароқ ҳам қайтиши мумкин.

Автор : Omonjon To`xtamirzayev
Рейтинг: +2   

Комментарии

championat.asia
< посмотреть последние новости
Яндекс.Метрика