Жим Рэтклифф: "Агар муваффақиятсизликка учрасам, "МЮ"дан кетаман"

"Футбол бироз ўзгарувчан, шундай эмасми? Сиз буни "Челси" мисолида кўрдингиз. "Челси" икки йил давомида матбуотда танқид қилинди, ҳамма уларнинг муваффақиятсизлиги ҳақида гапирди. Кейин жорий мавсум бошида уларда ҳамма нарса жуда яхши кета бошлагач, бу гаплар тўхтади.

Менимча, "Манчестер Юнайтед" билан ҳам худди шундай бўлади. Мен қилаётган ишимизга чиндан ишонаман ва бизда тўғри одамлар бор деб ўйлайман. Биз хатоларсиз муваффақиятга эришамиз деб ўйламайман, чунки мукаммал эмасмиз, лекин менимча, ёздан кейин траектория яхшиланиб боради.

Бизга фойдаси шубҳали бўлган кўплаб ишчилар эмас, 700 га яқин одамдан иборат иқтисодий, самарали, элита ташкилот керак.

Ростини айтсам, агар мен муваффақиятсизликка учрасам, кетаман. Лекин мен бундай бўлади деб ўйламайман. Биз яхши футбол ўйнай бошласак ва ғалаба қозонсак, ҳамма нарса ўзгаради" – деди "Манчестер Юнайтед"нинг эгаларидан бири бўлган Рэтклифф.