ЖЧ-2026 саралаши. Осиё гранди Индонезияни "савалади", Хитой сўнгги дақиқалардаги гол эвазига ғалаба қозонди

Унда Осака шаҳридаги "Суйта" стадионида Индонезияни қабул қилган Япония йирик ҳисобда ғалаба қозонди – 6:0. Мезбонларнинг голларига Камада (2 та), Кубо, Моришита, Мачино ва Хосоя муаллифлик қилди.

Шу тариқа "самурайлар" гуруҳ босқичини 23 очко билан етакчи сифатида якунлади. Индонезия 12 очко билан тўртинчи поғонани банд этди ва 4-саралаш босқичида иштирок этади. Плей-офф масаласини ҳал этолмаган икки терма – Хитой ҳамда Баҳрайн ўртасидаги баҳсда мезбонлар зафар қучди. Голни 90+3-дақиқада Ван Юйдун пенальтидан урди. 

ЖЧ-2026 саралаш босқичи

"C" гуруҳи. 10-тур

Япония – Индонезия 6:0

Голлар: Камада 15', 45+6', Кубо 19', Моришита 55', Мачино 58', Хосоя 80'

Хитой – Баҳрайн 1:0

Гол: Ван Юйдун пенальти 90+3'