ЖЧ-2022 саралаш босқичи. "A" гуруҳи жамоалари
02 сен 2019 21:35
Новости
![](https://championat.asia/upload/storage/515925_original.jpg)
![](/upload/storage/515925_220.jpg)
ЖЧ-2022 саралаш босқичи. "A" гуруҳи жамоалари
Маълумки, саралашнинг ушбу босқичида жами 40та жамоа қатнашади. Жамоалар бештадан 8 гуруҳга бўлинган. Гуруҳ ғолиблари ҳамда энг яхши тўртта иккинчи ўрин эгаси кейинги босқичга йўл олиш билан бирга Осиё Кубоги-2023 йўлланмасини ҳам қўлга киритади.
Қуйида "A" гуруҳи жамоаларига тўхтатиб ўтамиз. Бу гуруҳда Хитой, Сурия, Филиппин, Мальдив ва Гуам ўзаро баҳс олиб боради.
ХИТОЙ
ФИФА рейтингидаги ўрни: 71
Осиё Кубогидаги энг яхши натижаси: Финалчи (1984, 2004)
Жаҳон чемпионатидаги энг яхши натижаси: Гуруҳ босқичи (2002)
Бош мураббий: Марчелло Липпи (Италия)
Хитойда футбол 2002-2004 йиллар оралиғида яхшигина ривожланди ва бир нечта кучли маҳаллий футболчилар етишиб чиқди. Хитой термаси ЖЧ-2002 саралаш ўйинларида бизни ортда қолдириб, жаҳон чемпионатига йўл олганди. Бу жамоа шунингдек, 2004 йил ўз майдонида ўтказилган Осиё Кубогида финалга қадар етиб бориб, якунда иккинчи ўринни эгаллаган. Осиё Кубокларида мунтазам иштирок этиб келаётган Хитой яна бир бор жаҳон чемпионатига чиқишга уриниб кўради.
СУРИЯ
ФИФА рейтингидаги ўрни: 87
Осиё Кубогидаги энг яхши натижаси: Гуруҳ босқичи (6 марта)
Жаҳон чемпионатидаги энг яхши натижаси: Ҳали чиқмаган
Бош мураббий: Фажр Иброҳим (Сурия)
Сурия ЖЧ-2018га чиқишга яқин келганди, бироқ уларнинг йўлига Австралия дов бўлди. Осиё Кубогида эса Сурия яна ўзини кўрсата олмади ва ўз иштирокини гуруҳда якунлади. Шунингдек, бу жамоа Ғарбий Осиё чемпионатида ҳам ўзидан яхши таасурот қолдирмади. "A" гуруҳи жамоалари орасида фақат Сурияни маҳаллий мураббий бошқармоқда. Сурияликлар Фажр Иброҳим қўл остида қанчалик узоққа боришини вақт кўрсатади.
ФИЛИППИН
ФИФА рейтингидаги ўрни: 126
Осиё Кубогидаги энг яхши натижаси: Гуруҳ босқичи (2019)
Жаҳон чемпионатидаги энг яхши натижаси: Ҳали чиқмаган
Бош мураббий: Горан Милойевич (Сербия)
Филиппин Осиё Кубоги-2019да ҳаммани ҳайрон қолдиришга ҳаракат қилди. Бу жамоа ўз тарихида биринчи бор қитъа биринчилигида иштирок этди. Охирги йилларда Филиппинда ҳам футбол ривож топди дея оламиз. Энди улар ЖЧ саралаш баҳсларида ҳам юқори марраларни кўзламоқда.
МАЛЬДИВ
ФИФА рейтингидаги ўрни: 152
Осиё Кубогидаги энг яхши натижаси: Ҳали қатнашмаган
Жаҳон чемпионатидаги энг яхши натижаси: Ҳали чиқмаган
Бош мураббий: Петар Сегрт (Хорватия)
Мальдив терма жамоаси намойиш этаётган ўйини билан мақтана олмайди. Умуман бу жамоанинг натижалари йўқ ҳисоби. Фақат ЖЧ-2006 саралаш баҳсида Жанубий Корея билан 0:0 ўйнаб, ўзига хос сенсация юзага келтирганди. Бу сафар нима бўлишини эса ўйинлар бошлангач билиб оламиз.
ГУАМ
ФИФА рейтингидаги ўрни: 190
Осиё Кубогидаги энг яхши натижаси: Ҳали қатнашмаган
Жаҳон чемпионатидаги энг яхши натижаси: Ҳали чиқмаган
Бош мураббий: Карл Додд (Австралия)
Гуам асосан ўз уйида кучли ўйин кўрсатишга ҳаракат қилади. Мутахассислар жамоа Карл Додд қўл остида ўсишга эришди дейишмоқда. Ўтиш ўйинларида Гуам Бутанни 5:0 ҳисобида мағлуб этиб иккинчи раундга етиб келди. Эндиликда ўз дарвозасидан кўп гол ўтказиб юбормасликка ҳаракат қилади.
Сентябрь ойида бўладиган ўйинлар:
5 сентябрь
Гуам - Мальдив
Филиппин - Сурия
10 сентябрь
Гуам - Филиппин
Мальдив - Хитой
Похожие новости
![AMP Logo](https://championat.asia/image/logo-amp.png)
Комментарии