ЖЧ-2002 чемпиони ўзини Месси, Роналду ва Неймардан зўр деб ҳисобламоқда. Бу Роналдо ҳам, Роналдиньо ҳам эмас

“Фаолиятим чўққисида Неймардан яхши ўйнаганман. Аввалоси у мендан яхши бўлиши учун мундиалда ғолиб чиқсин. Менда характер бор, Месси ҳам мендан яхши бўлиши учун ЖЧда ғалаба қозониши керак. Криштиану Роналду — шунчаки куч, холос. У иккала оёғида ҳам кучли зарба бера олади. Аммо менда ундан кўра кўпроқ иқтидор бор”, — дейди Эдилсон.

Маълумот учун, Эдилсон ЖЧ-2002 да Бразилия терма жамоаси сафида тўлиқ бўлмаган 4 та ўйинда майдонга тушган. Майдонда жами 170 дақиқа ҳаракат қилган. Гол ҳам урмаган, голли узатма ҳам бермаган. Клубдаги фаолиятида эса Бразилия чемпионатидан ташқари “Бенфика” сафида, шунингдек, Япония ва БАА клубларида тўп тепган.