Жасур Абдураимов: "Насаф" бугун учта гол урди. Нега биз Қаршида шунча гол уролмаймиз?"
22 мая 2017 22:41
Новости

Жасур Абдураимов: "Насаф" бугун учта гол урди. Нега биз Қаршида шунча гол уролмаймиз?"

Ўзбекистон кубоги нимчорак финал доирасидаги "Пахтакор" - "Насаф" (0:3) учрашувидан кейинги матбуот анжуманининг иккинчи қисмида "шерлар" бош мураббийи Жасур Абдураимов иштирок этди.

- Биринчи навбатда "Насаф"ни табриклайман. Улар ўйинга тайёрлаган режаларини амалга оширишди. "Насаф" биздан кўра чидамлироқ кўринди. Улар ўз имкониятларини кутишди ва бундан фойдаланишди. Биз эса аксинча.

Жамоада рақобат йўқ. Агарда жамоада рақобат бўлмаса, унда бу ортиқча муаммоларни келтириб чиқаради. Жамоамиз айни пайтда қийин ҳолатда.
Лекин қўлни силташга ҳаққимиз йўқ. Биз бир жамоа бўлиб жипслашишимиз, бирлашишимиз лозим.

Ҳимоядаги парокандалик? Чунки таркибдаги ҳимоячилар барча ўйинда майдонга тушишга мажбур бўлишмоқда. Бу эса уларни толиқтириб қўймоқда. Шу боисдан ҳимояда бир қатор камчиликлар юзага келмоқда.

Ҳали жавоб учрашуви бор. Бугун "Насаф" бизга учта гол урди. Нега энди биз уларга шунча гол уролмаймиз?

Ссылка :

Источник : championat.asia

Получайте новости прямо в Telegram!

Рейтинг: -13