Жамшид Саидов: "Ўтган йилги чемпион билан дуранг ўйнадик"

"Бугун стадионга минглар мухлислар келишди. Афсуски байрам намойиш этишни уддасидан чиқа олмадик. "Пахтакор" прессинг қилишини билардик. Рақиб бир неча карра Ўзбекистон чемпиони ва бир неча карра Ўзбекистон кубоги соҳиби. Дастлабки бўлимда атайин устунликни рақибга бериб қўйдик. Ўйин охирида улар чарчаб қолишларини билардик. Йигитларимга раҳмат айтаман. Ғалаба сари интилиш жуда кучли бўлди. Мухлисларга жуда катта раҳмат айтмоқчиман.

Биз ўтган йилги чемпионга қарши ўйнадик. Сардор Раҳмонов жароҳати боис майдонга тушмади. Жасур Ҳасанов эса жароҳатини даволаб майдонга тушди. Жамоа учта ўйинда гол ўтказмади, кўз тегмасин. Учинчи учрашувда ҳам ўйиндан гол ура олмадик? Тўғри, лекин биз машғулотлар вақтида ишлаяпмиз. Насиб қилса катта ғалабалар ҳали олдинда. Жамоа йиллар давомида шаклланади, таркибда юлдузлар жамланса бу дегани фақат ғалаба қозонамиз дегани эмас. Бирозгина вақт керак, жамоа сифатида ўзимизга келиб оламиз.

Камолиддин Мурзоев бугун жуда яхши ўйнади, шунчаки якуний аниқ зарба бўлмади. У рақиб ҳимоячиларини доим сергакликда ушлаб турди. Ҳакамлар борасида ҳеч нима дея олмайман. Уларнинг ишини назорат қиладиган инсонлар бор.

"Бухоро"нинг мақсади ҳар бир ўйинда ғалаба қозониш, бунга эришиш учун меҳнат қилишда давом этамиз. Йигитларда руҳият бор", - дейди Жамшид Саидов.