Жампьеро Вентура А Серия клублари билан яқиндан танишиб чиқмоқда

ЖЧ-2018 саралаш босқичи старти олдидан "скуадра адзурра" бош мураббийи Жампьеро Вентура А Серия жамоалари билан яқиндан танишиб чиқмоқда.

Жампьеро Вентура ишни А Серия чемпиони "Ювентус" клуби билан танишишдан бошлади. "Ювентус" қароргоҳидан кейин "мовий гвардия"нинг янги устози "Милан"га ташриф айлади.

- "Милан"да италияликлар бошқа жамоаларга нисбатан кўпроқни ташкил этишади. Бу футболчилар келажакда Италия терма жамоаси учун фойда келтиришлари мумкин. Европа чемпионатидан сўнг ЖЧ саралашини яхши бошлаб олиш жуда муҳим.
Доннарумма? Жанлуижи жуда ёш ва иқтидорли дарвозабон. Доннарумма келажакда Буффонни вориси бўлиши мумкин. Доннарумма ўтган мавсумни ажойиб тарзда ўтказди. Жанлуижи учун вақт етарли. Фақат меҳнатдан қочмай, ўз устида янада кўпроқ ишлаши даркор. Уни порлоқ келажак кутмоқда. Аммо ҳаммаси унинг ўзига боғлиқ", - дея ўз фикрларини билдирди Италия терма жамоасининг янги бош мураббийи Жампьеро Вентура.