Жалолиддин Машарипов "Истиқлол" машғулотларига қайтди

Аввалроқ ўзбекистонлик футболчининг клуб берган кўплаб ваъдалар бажарилмагани учун машғулотга бормагани айтилганди. "Истиқлол" раҳбарияти Машариповга Теҳрондан уй ва машина ваъда қилганди. Бундан ташқари оиласи учун Теҳронга авиачипта ҳам олиб берилмади. Футболчи ҳамон меҳмонхонада истиқомат қилмоқда.

Машарипов муаммоларга қарамай, мухлислар ва клубга ҳурмат юзасидан машғулотларга қайтганини маълум қилди.

Хабарларга кўра, "Персиполес"нинг ўзбекистонлик вингери Остон Ўрунов ҳам айни дамда меҳмонхонада истиқомат қилмоқда. Унга клуб раҳбарияти томонидан уй ваъда қилинган.