Жалолиддин Машарипов: "Абдуқодир планкани кўтариб юборди. Жаҳон чемпионатига чиқсак, қолган футболчиларга ҳам йўл очилади"
18 мар 2025 22:31
Новости
Жалолиддин Машарипов: "Абдуқодир планкани кўтариб юборди. Жаҳон чемпионатига чиқсак, қолган футболчиларга ҳам йўл очилади"
"Кеча соат тунги 03:00 да учиб келдим. Бугун биринчи машғулот. Олдимизда кўп вақт йўқ. Терма жамоа муҳитига тезроқ мослашиш керак. Чунки олдимизда жуда муҳим ўйинлар турибди. Биз тайёрмиз.
Абдуқодир планкани кўтариб юборди. Бундан хурсандмиз. Жаҳон чемпионатига чиқсак, ҳаммамизга яхши бўлади. Мундиалда бошқа футболчиларимиз учун ҳам ўзларини кўрсатишга катта имконият бўлади. Остон Ўрунов, Аббосбек Файзуллаевларга ҳам йўл очилади.
Қирғизистонга қарши биринчи ўйинда қийналгандик, майдон ҳолати ёмон эди. Рақиб кучли, ҳозирги кунда рақибни менсимай тушиш ёмон оқибатларга олиб келади. Лекин ўз уйимизда ўйнамоқдамиз. Биз мухлисларни хурсанд қилишни мақсад қилганмиз.
БАА бошқа терма жамоаларга чиқиб, Ўзбекистондан очко олиб беришини сўраши нормал ҳолат. Биз буни кутгандик. Бундан келиб чиқиб, биз фақат ўз ўйинимизга эътибор беришимиз керак", -дейди Жалолиддин Машарипов.

Похожие новости
championat.asia
Ла Лига. "Реал Мадрид" ўз уйида "Реал Бетис"га 5 та гол урди
АПЛ. "Ман Сити" "Челси"га қарши ўйинда 90+4 дақиқада тўп ўтказиб юборди ва ғалабани бой берди, Ҳусанов 51-дақиқада захирадан ўйинга қўшилди
Алижонов "Пахтакор"да қолиш учун йирик битимни рад этди
Ла Лига. "Барселона" сўнгги дақиқалардаги иккита гол эвазига "Эспаньол"ни мағлуб этди
Комментарии