RU

Последние новости

13:10Эшитдик-да! Рустам Турдимуродов "Сурхон"га ўтади  2 12:56"Ньюкасл" ҳимоячисини "Манчестер Сити"га қўйиб юбормоқчи эмас  0 12:31Расман: "Пахтакор" ироқлик ҳимоячи трансферини эълон қилди  0 12:19Манба: Тожикистон собиқ устози Сегрт Ўзбекистон терма жамоаси бошқарувига келиши кутилаётган Лёвга ёрдам бериши мумкин  10 11:54Асрор Алиқулов жамоадан кетгани йўқ — "Машъал"  0 11:34Қирғизистон клуби "Қўқон-1912"ни мағлуб этди  2 11:21"Машъал" андижонлик футболчи билан шартнома имзолади  4 10:50"Нефтчи"ни яна бир тажрибали футболчи тарк этиши мумкин  4 10:16"Ливерпуль" футболчиси Италияга қайтишга яқин  4 09:47"Хоразм" легионери билан хайрлашди  2 09:14Одил Абдумажидов фаолиятини юртимизда давом эттиради  2 08:40"Нефтчи" яна бир легионер футболчи билан хайрлашишга яқин  11 08:13“Мираброр Усмонов кубоги-2025”. Бугун Саудия Арабистонига қарши баҳс олиб борамиз  6 07:30Саудия Арабистони футболчилари Ўзбекистон U-23га қарши баҳс олдидан нималар деди?  1 00:50"Бавария" "Ливерпуль"га Диас учун 70 миллион евро ва бонуслар таклиф қилади  0

"Жаҳон чемпионатидаги натижа - шунчаки зўр" - Дилшод Ирсалиев Новости

"Жаҳон чемпионатидаги натижа - шунчаки зўр" - Дилшод Ирсалиев

Ўзбекистон футзал терма жамоаси кеча Эронга мардонавор тарзда мағлуб бўлиб Жаҳон чемпионатидаги иштирокини якунлади.

Кучли рақиб қаршисида ўзларини йўқотиб қўймаган вакилларимиз кўпчиликнинг эътирофига сазовор бўлди, дея оламиз. Мундиалга ёш таркиб билан борган терма жамоамиз олдиларидаги вазифаларини тўлиқ бажаришди. Ишончлар оқланди. Гарчи Эронга мағлубиятга учраган бўлишсада, улар кўрсатган ўйин ва ирода ҳамма камчиликларни ёпиб юборди. Хўш, бугунги авлод яна нималарга қодир? Яқин йилларда Осиёда форсларнинг гегемонлигига барҳам беришадими? Биз бу борада терма жамоамизнинг собиқ ўйинчиси, тажрибали футзалчи Дилшод Ирсалиевнинг фикрлари билан қизиқдик. 

- Дилшод ака Эрон билан ўйинни кўрган бўлсангиз футзалчиларимиз қандай таассурот қолдирди? Умуман терма жамоамизнинг бугунги авлоднинг илк Жаҳон чемпионатидаги иштироки ҳақида фикрларингизни айта оласизми?

- Йигитларга қойил қолдим. Бундай шиддатли ўйин кутмагандим. Зўр ўйнашди. Тўғри Эрон кучли рақиб эди. Бироқ қўрқмасдан охиригача курашишди. Умуман олганда фикрларим ижобий. 

- Нима, деб ўйлайсиз яқин йилларда Эроннинг Осиёдаги етакчилигига барҳам бера оламизми? Эсингизда бўлса, 2016 йил юртимизда ўтказилган Осиё чемпионатида бунга жуда яқин келган эдик...

- Худо хоҳласа Эронни ютадиган вақт келяпти. Ишлашда давом этиш керак. Аминманки, бунга оз қолди. 

- Илк турда Гватемала билан ўйиндан сўнг оммада танқидий фикрлар юзага келганди. Кейинчалик терма жамоамиз Россия билан муносиб курашиб, охирги турда Мисрни мағлуб этди. Биринчи ўйиндан сўнг сизда қандай тасаввур уйғонганди?

- Биринчи ўйин доим қийин бўлган. Мағлуб бўлганимизга қарамасдан менда яхши фикрлар юзага келганди. 

- Биласиз, футзалимизда орада маълум вақт пасайиш даври юзага келганди. Футзалимиз қисман ортга қайтишни бошлаганди. Шуни ҳисобга олганда кейинги йилларда бундай натижаларга эришишимизни кутганмидингиз...

- Жаҳон чемпионатидаги натижа -  шунчаки зўр. Ҳамма кўрди. Бундай юксалишини сезган эдим. Қилинган меҳнатлар ўз самарасини берди, деб ўйлайман. Лекин бу билан тўхтаб қолиш керак эмас.

 

- Бундай катта нуфузли турнирдан сўнг футзалчиларимизга турли хориж жамоаларидан таклифлар тушиши табиий. Легионерга айланишни мақсад қилган ўйинчиларга қандай масалаҳат берасиз? 

- Албатта ҳаракат қилиб легионерга айланишлари, хориж клубларига кетишлари керак. Янада ўсишга эришишади. 

- Ўзбекистонлик футзал тўп тепарларини легионерга айланишининг кам кузатилишига нима сабаб бўлиши мумкин?

- Фикримча, агентлар йўқлиги билан боғлиқ. 

- Клубларимизда маошлар камлиги ҳақида эшитганмиз...

- Ҳа, маошлар кам.

- Ҳозирги таркибни футзалимиз тарихидаги энг кучли таркиб, десак бўладими?

- Ҳар бир даврдаги таркиб ўзига яраша кучли бўлган, деб ўйлайман. 



Абдулазиз Искандаров суҳбатлашди

Рейтинг: +12   

Комментарии

championat.asia
< посмотреть последние новости
Яндекс.Метрика