Ихтиёр Каримов: "Дуранг натижадан албатта қониқдим"

-  Фарғонага натижа учун келган эдик ва бугун ниҳоят мақсадимизга эришдик. Аввалги ўйинлар сингари, бугун ҳам жамоамизга бироз омад етишмаётган эди. Аммо учрашувнинг сўнги дақиқаларида урган голимиз, бизнинг шу мувофақиятсизликларимизга чек қўйди. Ўйин биз учун ҳам, рақиб учун ҳам осон бўлмади деб ўйлайман. Бугун биз ҳам, рақибимиз ҳам ютиш ёки ютқазиш мумкин эди. Бир сўз билан айтганда, ўйинга ҳос натижа бўлди. Шогирдларим бугун ҳақиқатдан ҳам бор куч ва ғайратларини ишга солиб, майдонда ҳаракат қилишди. Ўйиндан ҳам, натижадан ҳам тўла қониқиш ҳосил қилдим. Йигитларга ушбу ўйин учун алоҳида рахмат айтмоқчиман.

- Ҳакамлар ҳаракатини изоҳлаш ёки бахолаш ваколатига эга эмасман. Бу вазифани бажарувчи, учрашув назоратчи ҳаками ва ПФЛ вакили каби мутассадди ҳодимлар бор.

"Шўртан" матбуот хизмати