Иван Йосович: "Юқори ўринлар сари интилишда давом этамиз"
25 авг 2020 11:36
Новости

Иван Йосович: "Юқори ўринлар сари интилишда давом этамиз"

Теги : Қўқон-1912 Иван Йосович

Суперлига 12-туридан ўрин олган "Қўқон-1912" - "Андижон" ўртасидаги учрашувда Бахтиёр Ашурматов шогирдлари 2:1 ҳисобидаги ғалабани тантана қилди.

Мазкур баҳсдан сўнг учрашувнинг энг яхши футболчиси деб топилган қўқонликларнинг сербиялик ҳимоячиси Иван Йосович фикрлари билан ўртоқлашди.

"Андижон" билан оғир ўйин бўлди. Жамоадаги айрим футболчиларда чарчоқ аломатлари борлиги кўриниб турди. Худди шундай ҳолат рақибда ҳам бўлаётгани аниқ. Чунки, ҳар уч кунда ўйин ўтказиш осон эмас, тикланиш қийин кечади. "Андижон" билан ўзимизнинг бу йилдаги энг ёмон ўйинимизни ўтказдик деб ўйлайман. Муҳими охирги дақиқаларда характери кўрсата олдик ва ҳисобимизга қимматли уч очкони ёздириб қўйдик. Юқори ўринлар сари интилишда давом этамиз. Ғалаба кайфиятимизни кўтарди. Спортда кайфият ҳам кўп нарсани ҳал қилиб беради",- дейди Иван Йосович.

Абдулазиз Искандаров ёзиб олди.