Иван Нагаев: “Локомотив” чемпионат фаворити, лекин..."

Ўйиндан сўнг меҳмонлар ҳужумчиси Иван Нагаев ўйин борасида ўз фикрлари билан ўртоқлашди.

- Учрашув қийин кечди, чунки охирги пайти жуда кўп ўйинлар ўтказдик. Озроқ чарчоқ аломатлари ҳаммада бор. “Сўғдиёна” ажойиб жамоа, аммо бугун биз улардан анча устун эдик. Йигитлар бугун майдонда борини бериб ўйнади ва шунинг ҳисобига ғалаба қозондик.

- Кейинги босқичда “Локомотив” билан ўйин кутилаяпти. Бу жамоа сиз учун бегона эмас. Бу ўйин борасида қандай фикрдасиз?
- “Локомотив” чемпионат фаворити ҳисобланади. Қизиқ ўйин бўлади. Лекин сизга бир гап айтаман, “Бухоро” футболчилари улардан хеч бир жабҳада кам ўйин кўрсатмайди. Ҳозирги пайтда чемпионатимиздаги барча жамоаларнинг кучлари  тенг. Ҳаммаси футболчига боғлиқ. Агар футболчи майдонга чиқиб бор  маҳоратини кўрсата олса, унда ҳар бир жамоани мағлубиятга учратса бўлади", - дейди Нагаев.

Дилдора Холбаева