Иван Бошкович: "Навбатдаги босқич йўлланмаси учун имкониятимиз сақланиб турибди"
25 мая 2023 09:10
Новости

Иван Бошкович: "Навбатдаги босқич йўлланмаси учун имкониятимиз сақланиб турибди"

Ўзбекистон кубоги иккинчи туридан ўрин олган "Сўғдиёна" - "Арал" (2:2) учрашувидан сўнг мезбонлар бош мураббийи Иван Бошкович ўз фикрларини билдириб ўтди.

- Оғир ўйин ўтказдик. Рақиблар бугун бизга қарши яхши ўйин намойиш этишди. Ўйинга бўлган тайёргарликлари ҳам жиддий бўлгани кўриниб турибди.

Кўп вазиятлардан фойдалана олмадик. "Арал" жамоаси қарши ҳужумларда яхши ҳаракат қилди.

Жамоамизда ҳозирги холат яхши. Вазиятлардан фойдаланганимизда ғалаба қозонишимиз ҳам мумкин. Рақиблар бизга қарши ўйин кўрсатишди.

Навбатдаги босқич йўлланмаси учун имкониятимиз сақланиб турибди. Барчасини 3-тур ўйинлари ҳал қилиб беради.