RU

Последние новости

21:30БАА. Азизбек Ғаниевнинг голи туфайли "Ал Батеҳ" 3 очкони қўлга киритди  3 21:03Педру Морейра "Пахтакор"ни тарк этди  40 20:54Дани Алвес медиалига клуби билан музокаралар олиб бормоқда  1 20:38"Европа Лигаси ғолиби ЕЧЛ йўлланмасига эга бўлмаслиги керак" — Арсен Венгер  10 20:13Мирко Йеличич: "Ўзбекистонда "тоза" ва техник футбол намойиш этишмаётганидан хафаман"  1 19:59Кейн уддалади, улар эса йўқ. Ҳеч қандай совринсиз қолган олти юлдуз (мутолаа учун)  4 19:32Сергей Лебедев: "Ҳакамлар устидан шикоят ёзаман"  16 19:20Бирга-бир вазиятларда жамоасини қутқарган посбон, хет-трик қайд этган футболчи, жамоаси камбэк қилган мураббий — Суперлигада 8-турнинг энг яхшилари  5 19:06Про лига. "Олимпик" "ФарДУ"ни 1 тўп фарқи билан мағлуб этди  4 18:58Суперлига 8-тур фактлари. "Андижон" Олмалиқда ОКМКга 3 та гол урди, "Сурхон" 22 йил аввалги натижани такрорлади   2 18:41Рақиб майдонида: Ўзбекистон терма жамоаси нега БААда йиғин ўтказмоқчи?  16 18:12Жўраев, Ғиёсов, Турсунов, Давронов ... Суперлига 8-тур рамзий терма жамоаси   0 17:56"Манчестер Сити" англиялик хавбекка кўз тикди  0 17:33Ўзбекистон U-15 терма жамоаси "Одил Аҳмедов ФА" U-16'га ҳеч қандай имкон қолдирмади  1 17:07"Эшитдик-да"нинг инсайди тасдиқланди: Анвар Бердиев истеъфога чиқди  12

Иван Бошкович: "Мен ҳар қандай рақибга қарши ғалаба учун ўйнайдиган мураббийман" Новости

Иван Бошкович: "Мен ҳар қандай рақибга қарши ғалаба учун ўйнайдиган мураббийман"

Суперлиганинг 15-тур баҳсларидан ўрин олган "Олимпик" - "Сўғдиёна" учрашувидан сўнг "Сўғдиёна" клуби бош мураббийи Иван Бошкович ўйин ҳақидаги фикрлари билан бўлишди.


- Ўйин ҳақида

- Ўзингиз кўрдингиз, ўйин жуда қизиқ бўлди. 6 та гол урилди. Бугун стадионга ташриф бўлган мухлислар биздан рози бўлди деб ўйлайман. Икки жамоа ҳам ғалаба учун ўйнади. Тўғри, ўзимиз истаган натижани қўлга кирита олмадик, лекин барибир ўйин қизиқарли бўлди. Нима бўлганда ҳам жуда эмоционал ва очиқ ўйин гувоҳига айландик. Ҳозир кўпроқ натижа ҳақида ўйлаяпман ва бироз эмоциядаман. Афсус, ғалаба қозона олмадик, лекин бу футбол.

- Жамоангиз бугун сиз истагандек ўйин намойиш этдими? Бугунги футболчиларингиз ҳаракатларидан қониқдингизми?

- Ҳа, биз кўп нарсани тўғри бажардик. Гол ўтказиб юборган вазиятларимизда хатога йўл қўйдик. Иккинчи голда, диққатсизлигимиз сабаб жазоландик. Иккинчи бўлимда очиқ ўйин бўлди, лекин иккинчи таймда анча тартибли ўйнадик.

- Митрович жамоани муқаррар голдан қутқариб қолди, агар ўша вазиятда гол бўлганида ўйин қандай кечиши мумкин эди?

- Вазиятлар кўп бўлди, диққатни бир жойга жамлай олмадик. Мен ҳар қандай рақибга қарши ғалаба учун ўйнайдиган мураббийман. Менинг фалсафам шундай. Мен "Сўғдиёна"га энди келганимда, менинг олдимга рақобатдош жамоа қуриш вазифаси қўйилган эди. Ҳозир эса, "Сўғдиёна" анча катта ўсишга эришди. Ҳозир, жамоам тўпни назорат қилиш, рақиб дарвозасига зарба бериш ва бошқа кўплаб жиҳатлар бўйича Суперлиганинг топ-3 жамоалари қаторида. Биз ҳужумкор футбол ўйнаш тарафдоримиз. Биз кўп таҳлил қиламиз ва шу сабаб ўз ўйинимизни яхшилашга интиламиз.

- Бугунги учрашувда ҳакамлар ўз қарорлари билан ўйин суръатига таъсир ўтказгандек...

- Мен ҳар доим тезкор ва динамик футбол тарафдориман. Ўйин сўнгида темпни бироз секинлаштиришимиз керак эди, лекин буни қила олмадик. Ҳакамларни назорат қиладиган ташкилот бор ва мен уларни муҳокама қилишни мантиқсиз деб ўйлайман. ВАР тизими бор, ундан фойдаланиш керак. ВАР бор, лекин "Сўғдиёна"нинг вазиятларида ҳеч ким ВАРдан ҳеч ким фойдаланмайди.

- "Сўғдиёна" жамоаси биринчи бўлимда беш дақиқа ичида иккита гол ўтказиб юборди. Футболчилар хотиржамликка берилгани бунга сабаб бўлдими?

- Рақиб стандарт вазиятларда тез ўйнади, биз эса секинлашиб қолган эдик. Иккинчи голда эса тактик хато бўлди. Иккинчи голда биз ўз режамизни буздик ва рақиб хатомизда фойдаланиб кетди.

Рейтинг:    

Комментарии

championat.asia
< посмотреть последние новости
Яндекс.Метрика