Итсуки Урата: "Нефтчи" билан ўйин энди тарих, биз навбатдаги учрашувга тайёргарликни бошлаймиз"

Дарвозаларга эса чиройли голлар урилди. Ўйиндан сўнг "қалдирғочлар"ни мағлубиятдан сақлаб қолган гол муаллифи Итсуки Уратага юзландик ва фикрлари билан қизиқдик. 

"Қийин ўйин ўтказдик. Ўйиннинг бориши илк дақиқалардан тезлашиб кетди. Рақибимиз ҳам яхши жамоа эди. Бу баҳс энди тарих, кейинги ўйинга ҳозирликни бошлаймиз. 

Голни қандай уришим муҳим эмас. Ҳа, чиройли гол лекин бундан ҳам кўпроқ жамоам фойда кўргани хурсанд қилди. Жамоадошларимга ҳам раҳмат айтаман. Ўзбекистон чемпионатида осон рақиб йўқ, шу боис ҳар бир ўйинда очко қўлга киритиш осон кечмайди. Аммо "Бунёдкор"нинг ўз мақсади ва йўли бор",- дейди Итсуки Урата.