Италиялик мураббий "Пари Сен-Жермен"ни бошқариши мумкин

Бугун "El Chiringuito" нашри журналисти Эдуардо Инда ПСЖ мутасаддилари Зинедин Зидан билан алоқага чиққани тўғрисида маълумот берган эди. Таъкидланишича, Зидан билан келишув амалга ошмаса, Парижга италиялик Массимилиано Аллегри таклиф қилинади. Аллегри варианти ўтган мавсумда ҳам кўриб чиқилган, аммо раҳбарият якунда Томас Тухелга ишонч билдирган эди. Германиялик мутахассис ПСЖни Чемпионлар Лигаси финалига олиб чиқди. Айни дамда ҳам унинг клубдаги келажаги еврокубоклар доирасидаги ўйинларга боғлиқ бўлиб қолмоқда.