Италиялик футболчи 12 йиллик дисквалификациядан сўнг майдонга қайтди

46 ёшли футболчи 12 йиллик танаффусдан кейин яна майдонга қайтди ва Италия 5-дивизиони жамоаси “Синья 1914” сафида “Прато 2000”га қарши (2:2) баҳсда ҳаракат қилди.

Форвард фаолияти давомида “Фиорентина”, “Бари”, “Варезе”, “Сампдория”, “Эмполи” ҳамда “Брешия” каби клублар сафида ўйнаб, 135 та гол урган. Шунингдек, у Италия ёшлар жамоаси сафида ҳам майдонга тушганди.

Флаки олдинроқ ҳам бошқа интизомий муаммоларга дуч келган. У тотализаторда қатнашгани туфайли жаримага тортилган. 2007 йил январида организмида кокаин моддалари аниқлангани туфайли 16 ойга майдондан четлатилган. Кейинчалик бу муддат яна 2 йилга узайтирилди. Майдонга қайтганидан 12 ой ўтгач эса Флаки яна кокаин истеъмол қилгани учун Италия футбол федерацияси томонидан 12 йилга дисквалификация қилинган эди. Ўшанда у 34 ёшда бўлган.