Исроил Турсунов: "Биз учун ҳам, рақибларимиз учун ҳам қийин ўйин бўлди"
31 мар 2014 14:04
Новости

Исроил Турсунов: "Биз учун ҳам, рақибларимиз учун ҳам қийин ўйин бўлди"

Ўзбекистон кубогидан ўрин олган "Пахтакор-2" ҳамда "Истиқлол" жамоалари ўртасидаги учрашувда "Истиқлол" ҳужумчиси Исроил Турсунов дубл қайд этди ва учинчи голга ассиссентлик қилди.

Ўйиндан сўнг унинг фикрлари билан қизиқдик.
- Бугун биз учун ҳам, рақибларимиз учун ҳам жуда қийин ўйин бўлди. Майдоннинг ҳолати яхши эмаслиги етмагандек, кучли шамол ҳам учрашувга катта таъсир ўтказди.
Жамоани қийин вазиятдан чиқиб кетишига ўз ҳиссамни қўшганимдан ҳурсандман. Бугунги самарали ўйин ўзимга бўлган ишончни янада оширади.

- Жисмоний жиҳатдан мавсумга тайёрмисиз?
- Ҳозир жисмоний ҳолатим яхши ва мавсумга тайёрман.

- Кейинги вазифа қандай?
- Кубокда кейинги босқичга йўл олдик, энди эса чемпионатнинг биринчи тури ҳақида ўйлашимиз керак. Дастлабки турларни сафарда ўтказишимиз эса бироз ноқулайлик туғдиради. Вазифа - ана шу ўйинларда максимал очко тўплаш.

Толибжон Қосимов суҳбатлашди

Ссылка :

Источник : championat.asia

Получайте новости прямо в Telegram!

Рейтинг: