Исломбек Исмоилов: «Ҳозирги ҳис туйғуларни таърифлаб бўлмайди»
22 апр 2025 07:58
Новости

Исломбек Исмоилов: «Ҳозирги ҳис туйғуларни таърифлаб бўлмайди»

Теги : Ўзбекистон U-17 терма жамоаси Исломбек Исмоилов

Юртимизга қайтиб келган Ўзбекистон U-17 терма жамоаси бош мураббийи Исломбек Исмоилов ўз фикрларини билдириб ўтди.

Албатта, бу биз учун юксак эътироф, юксак ютуқ! Бош мураббий сифатида бунинг учун барчага миннатдорчилик билдираман. Бу ғалаба йўлида жуда кўпчиликнинг меҳнати ётибди. Жуда кўп инсонлар бу йўлда меҳнат қилди, уларнинг барчасига раҳмат айтаман. Ҳозирги ҳис туйғуларни таърифлаб бўлмайди.

Биринчи бўлимдан сўнг таркибимизда 9 киши қолганидан сўнг олдимизда бошқа йўл йўқ эди. Фақат битта йўл бор эди, ўйини қутқариб қолиш вазифаси қолганди. Мураббийлар билан тўғри ечим топа олдик деб ўйлайман. Футболчилар матонат кўрсатишди ва биз ғалаба қозондик.

Иккита қизил карточка руҳий таъсир қилди. Бироқ ишонч бор эди. Мураббий сифатида тушкунликка тушмасликка ҳаракат қилдим. Танаффусда футболчиларни руҳан тиклашга ҳаракат қилдим ва биз буни уддаладик.

Ссылка :

Источник : championat.asia

Получайте новости прямо в Telegram!

Рейтинг: +21