Ислом Тўхтахўжаев: "Мураббий ўзгармагани яхши бўлди"

Футболчи терма жамоа ҳақидаги саволга ҳам жавоб берди.

"ЖЧ-2018 саралашида олдимизда иккита ўйин қолди. Агар мураббий ўзгарганида кўп нарса ўзгариб кетарди. Шу сабабли Самвел Бабаяннинг қолгани яхши бўлди. Чунки қисқа вақт ичида ўзгаришларга кўникиш жуда қийин. Жанубий Кореянинг мураббий алмаштиргани биз учун фойдали бўлди", - дейди Ислом Тўхтахўжаев кўрсатув жараёнида.

- Нима учун Эрондан олдин Таиланд билан ўртоқлик учрашуви ўтказилди?
- Тўғриси мен ҳам бунга тушунмадим. Таиланд билан Эронни солиштириб бўлмайди. Ўйин услуби ҳам бир-бирига тўғри келмайди. Жавоб бера олмайман бу саволга. Саволни ўйин ташкилотчиларига берган тўғрироқ, - дейди Ислом Тўхтахўжаев. 

- Олий лига савияси ҳақида фикрингиз қандай?
- Миллий чемпионат савияси пастроқ. Талаблар пастроқ. 35-40 иссиқда ўйнаяпмиз. Бундай иссиқда юқори тезликда ўйин бўлмайди. Нега бунчалик эрта қўйилди деб сўрасак ёритиш тизимида муаммо борлигини айтишади. Майдон ҳолати...футбол ўйнаш учун қийинда тўғриси. "Локомотив", "Пахтакор", "Олмалиқ"..."Бунёдкор" стадиони яхши аммо майдони у қадар яхши эмас. Телевизорда яшил кўринади, аммо майдонга тушиб ўйнаганда жароҳат олиш хавфи юқори", - дейди ҳимоячи.

Ислом тўхтахўжаев учун блиц-саволлар:

- Ўзбекистон терма жамоасининг энг зўр ҳимоячиси?
- Анзур Исмоилов
- Энг яхши ярим ҳимоячи?
- Азиз Ҳайдаров
- Энг яхши ҳужумчи?
- Александр Гейнрих
- Терма жамоанинг энг яхши футболчиси?
- Шахсан мен учун Азиз Ҳайдаров
- Ўзбекистон терма жамоаси тарихидаги энг кучли мураббий?
- 1994 йилги Осиё ўйинларида чемпион қилган мураббий (Рустам Акрамов - таҳририят).