Ислом Исоқжонов: “Ал Нафт” билан учрашувда қийинчилик билан ғалаба қозондик”

“Айни дамда “Металлург” жамоаси билан Туркиядаги йиғинда иштирок этяпман. Кунига икки маҳалдан машғулот ўтказяпмиз. Эрталаб жисмоний машқлар бўлса кечки пайт тўплар билан ишлаяпмиз. Ҳозирча ҳаммаси режа асосида кетмоқда.

Кеча Ироқнинг “Ал Нафт” жамоасига қарши учрашувда қийинчилик билан ғалаба қозондик. Рақиб жамоа жуда ҳам кучли экан. Яхши тайёргарлик, жамоавий ўйин ва кўпроқ тажриба “Ал Нафт”га қарши учрашувда ўз сўзини айтди. Рақиб жамоанинг футболчилари жуда ҳам тезкор тўп билан яхши муомала қилишар экан.

Яна бундан ташқари бир қатор жамоалар билан ўртоқлик учрашувларини ўтказиш режалаштириб қўйилган. Насиб қилса чемпионат баҳсларигача ўз спорт формамизга кириб оламиз”, - дейди Ислом Исоқжонов.