Ироқ U-20 терма жамоаси бош мураббийи: "Эронга қарши ўйинимиз - бу дерби"
10 мар 2023 20:49
Новости

Ироқ U-20 терма жамоаси бош мураббийи: "Эронга қарши ўйинимиз - бу дерби"

U-20 Осиё кубогининг чорак финал баҳслари олдидан матбуот анжумани ташкил этилди. Ироқ U-20 терма жамоаси бош мураббийи Эмад Муҳаммад матбуот анжуманида иштирок этиб, ўз фиклари билан бўлишди.

- Жамоангиз босиб ўтган йўл ҳақида гапирсангиз, эртанги учрашув қанчалик муҳим?

- Биз биринчи саралаш босқичидан ўтиб олдик, яъни гуруҳдан чиқдик. Рақибнинг кўп жиҳатларини ўрганиб чиқдик ва биз Эрон футболига жуда катта баҳо берамиз. Эрон чемпионатида ўйнаганман ва уларнинг кучини биламан. Эртанги учрашувга бор эътиборимизни қаратамиз ва ғалаба қозонишга интиламиз. Ушбу босқичда осон рақиблар қолмади. Чорак финал биз учун сўнгги босқич бўлмайди, деб умид қиламан. Жанубий Корея, Эрон, Япония ва Австралия терма жамоаларини алоҳида эътироф этган бўлардим. Насиб этса, эртага жаҳон чемпионатига чиқамиз.

- Ўз жамоангиз ва рақиб жамоанинг заиф томонлари ҳақида айтиб ўтсангиз?

- Бизда бир нечта камчиликлар бор ва уларни тўғирлашга ҳаракат қиламиз, аммо шу билан бирга рақибларнинг ҳам заиф жиҳатлари йўқ эмас. Ҳеч ким мукаммал ўйин намойиш этмайди. Бу футбол қонуни. Эрон - қўшнимиз ва уларга қарши учрашувлар дерби мақомида ўтади.

Ссылка :

Источник : championat.asia

Получайте новости прямо в Telegram!

Рейтинг: +1