Ироқ - БАА. Превью

Ироқ гуруҳда Иордания (1:0) ва Фаластинни (2:0) мағлуб этди, Японияга (0:1) ютқазиб қўйиб иккинчи ўринни эгаллади. Чорак финалда Радҳи Шенаишил шогирдлари Эронни пенальтилар сериясига мағлуб этиб ярим финалга чиққан. Ярим финалда Ироқ Жанубий Кореяга 0:2 ҳисобида мағлуб бўлди.

БАА эса "C" гуруҳида Қатар (4:1) ва Баҳрайнни (2:1) таслим қилди, Эрон (0:1) ютқазиб қўйди. Чорак финалда араблар амалдаги Осиё чемпиони Японияни пенальтилар сериясида мағлуб этди - 5:4. Ўтган босқичда БАА мусобақа мезбони Австралия олдида ожиз қолди - 0:2.

Ироы ўз тарихида саккизинчи бор қитъа чемпионати финал босқичида қатнашмоқда. Жамоанинг мусобақадаги энг яхши натижаси 2007 йил қайд этилган. Ўша йил ироқликлар қитъа чемпиони бўлишганди.

БАА учун бу йилги мусобақа 9-Осиё Кубоги ҳисобланади. Ушбу жамоа 1996 йил ўз уйида ташкил этган қитъа чемпионатида финалга қадар етиб борган.

Бу икки жамоа ўзаро 22 марта тўқнаш келган. Ироқнинг ҳисобида 8та ғалаба бор, 5 ўйинда БААнинг қўли баланд келган. Қолган 9 учрашувда томонлар дуранг ўйнашган.

Ушбу жамоалар Осиё Кубоги доирасида икки марта ўйнашган. Ироқ ҳисобида ҳам, БАА ҳисобида ҳам биттадан ғалаба бор.

3-ўрин учун ўйин
Ироқ - БАА
30 январь 2015. Ньюкасл. 14:00 (Тошкент вақти)
Бош ҳакам: Наваф Шукрулла (Баҳрайн)
Қанот ҳакамлари: Ёсир Тулефат (Баҳрайн), Иброҳим Муборак (Баҳрайн)
Захира ҳаками: Бенжамин Жон Уильямс (Австралия)


Нарзулла Сайдуллаев