Иордания дарвозабони Ўзбекистонга қарши ўйнаши мумкин

Биз рақибимиз ҳақида сўнгги янгиликларни беришга қарор қилдик.

Иордания миллий терма жамоасида ўтган ҳафта қизғин ҳолат кузатилди. Гап шундаки, “Нашама”нинг Ироқ билан 28 август куни ўтиши белгиланган ўртоқлик учрашуви бекор қилинди. Мисрлик мутахассис Ҳуссам Ҳассан мазкур беллашувда хориж клубларида ўйнаётган футболчилар хизматидан фойдалана олмаслиги боис баҳсни бекор қилиш ҳақида илтимос қилди. Шундан кейин Иордания ФА Ироқ ФФга расмий хат жўнатган. Ундан кўра, Ҳассам футболчиларнинг кубок баҳсларидаги ҳаракатларини кузатишни маъқул топди. Ўзбекистон билан учрашувгача яна 2 беллашувда ўртоқлик ўйинида майдонга тушишни истаган иорданияликлар энди фақат машғулотлар орқали бунга тайёрланишади. Лекин ҳозигача улар 3та учрашув ўтказиб бўлишди. Маҳаллий клублардаги ўйинчилар эса кубок учрашувларида 5 ўйинда қатнашишди.

Ўтган ҳафтадаги яна бир эътиборли воқеа Иордания миллий терма жамоасининг асосий дарвозабони Амир Шафианинг душанба куни операция қилингани бўлди. У ўнг тиззасида юзага муаммо туфайли операция столига ётишга мажбур бўлди. Шафиани операция қилган доктор Абабнеҳнинг таъкидлашича, Амирнинг аҳволи яхши ва хавотирга тушишга ўрин йўқ. Мутахассис Шафиа тикланиш жараёнини тез ўтаб, яқин кунларда сафга қайтишини айтиб ўтди. Ушбу посбон Иорданиянинг Сурияга қарши учрашувидан аввалги машғулотларда жароҳат олганди. Амирнинг Ўзбекистон билан ўйинларда майдонга тушиши мумкинлиги хабар берилган.


Беҳзод Назаров