RU

Последние новости

15:58Родриго "Реал"да қоладими?  0 15:28"Арсенал" "Байер" футболчисининг трансферини якунлади  1 14:57"Ал Иттиҳод" Педро учун 35 миллион евро таклиф қилди  3 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  1 13:33"Реал" афсонаси: "Олмаотага учиш Нью-Йоркка учишдек гап"  13 13:04"Фенербахче" Моуриньюни бош мураббий лавозимидан озод этди  11 12:52Туркманистон бош мураббийи Ровшан Мередов: "Бу савол менга эмас"  9 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  20 11:56Тимур Кападзе Паулу Бенту ҳақида фикр билдирди  32 11:44Карлуш Кейруш: "Бир неча йил аввал Ўзбекистон футболи "уйқу"да эди"  25 11:40Карлуш Кейруш Паулу Бенту ҳақида фикр билдирди  1 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  5 10:28Хави Симонс фаолиятини АПЛда давом эттиради (Фабрицио Романо)  7

Интервью. Луисма Эрнандес — "Металлург", Суперлига, ва Испаниянинг Евро-2024 турниридаги иштироки ҳақида Новости

Интервью. Луисма Эрнандес — "Металлург", Суперлига, ва Испаниянинг Евро-2024 турниридаги иштироки ҳақида

Ўтган йили "Металлург" жамоасида испаниялик мураббий Луисма Эрнандес фаолият олиб борганидан хабарингиз бор.

Айни пайтда Тошкентда бўлиб турган мутахассис Суперлига учрашувларини бевосита стадиондан кузатмоқда. Биз фурсатдан фойдаланиб Луисма Эрнандесга бир нечта саволлар билан юзландик. 

- Жаноб мураббий Суперлига ўйинларини ташқаридан кузатиш қандай кўринмоқда? 

- Мамлакатга қайтган ҳолда Суперлига учрашувларини томоша қилиш, собиқ футболчилар, дўстлар билан учрашиш ёқимли. Бу йил жамоаларда ўзига ҳос баланс ва тенглик юзага келган. Катта фарқ кўрмаяпман. Ҳар бир жамоада ғалаба қозониш имконияти бор. Кўплаб ёш футболчиларга имконият берилаётганини кўриш мумкин, ҳаттоки "Пахтакор" каби катта жамоаларда ҳам. 

- "Металлург"дан кетганингиздан кейинги ҳаётингиз ва фаолиятингизда нималар юз берди?

- Мен ҳал қилишим керак бўлган айрим оилавий масалалар бор эди. Турмуш ўртоғим ўзбек. Орада Испанияга боришга қарор қилдик. Мураббийлар ҳам баъзида танаффус олишга муҳтож бўлади. Мен шундан фойдаландим. Даражамизни ошириш учун янги ғоялар, фикрлар ўрганишимизга тўғри келади. Инсон ўрганишдан ҳеч қачон тўхтамаслиги керак. 

- "Металлург" ўтган йилгидек жорий мавсум ҳам чемпионатни яхши бошлай олгани йўқ. Собиқ жамоангизнинг натижалари қанчалик хайрон қолдирмоқда?

-  "Металлург"нинг ҳолатидан хафаман. Бекободда яхши дўстларим, ёқимли хотираларим бор. Ишончим комилки, улар бу вазиятдан тез орада чиқиб кетишади. 

- Сизнингча легионер ва юлдузларсиз барқарор жамоани қандай шакллантириш мумкин? Бекободда ишлаганингизда таркибда легионерлар бўлмаганди...

- 2022 йилда бизда легионерлар ва юлдузлар эмас, жамоа бор эди. Фақат иккинчи даврада Палични олганмиз. Таркибимизда яхши маҳаллий ва ёш футболчилар бор эди. Бу ўсишнинг янги усули: Тажрибали ва ёш футболчилар ўртасида мувозанат. Иккинчи усул: Яхши савиядаги легионерлар. Улар маҳаллий футболчилардан фарқ қилиши керак 2022 йил яхши жамоа қилдик. Футболчилар ўсишга эришди. 

- Ўзбекистон чемпионлиги учун кимда имконият юқори?

- Қийин савол. Ёзги трансферлар вақтида баъзи жамоалар таркибини кучайтириши мумкин. Имконият доимгидек "Пахтакор", "Насаф","Навбаҳор"да юқори.

- Испания терма жамоаси Европа чемпионатида ёшроқ таркиб билан иштирок этмоқда. Де ла Фуэнтенинг ишига қандай баҳо берасиз? 

- Ҳа, Де ла Фуэнте кучли ва ёш терма жамоани шакллантирмоқда. Апрель ойида техник томондан семинарда қатнашдик, у ўзининг керакли маслаҳатларини берди. Ёшлар билан ишлаш яхши йўл эканлигини тушунтирди. Бизнинг терма жамоада мувозанат бор деб ўйлайман. Мен жамоага энг яхшисини тилайман.

- Бугун Грузия тўсиғидан ўтган тақдирда Германия билан тўқнаш келади. Испания қайси босқичгача етиб боради?

- Мен Европа чемпиони бўлишларини истайман. Бу осон эмас, лекин терма жамоамизга ишонамиз.

Автор : Iskandarov Abdulaziz
Рейтинг:    

Комментарии

championat.asia
< посмотреть последние новости
Яндекс.Метрика