"Интер" президенти: "Биз янги стадионсиз топ-клублардан орқада қолаверамиз"

Миланнинг "Интер" клуби президенти Стивен Чжан клуб учун янги стадион қуриш зарурлигини маълум қилди.

Эслатиб ўтамиз, айни пайтда "Интер" "Милан" билан битта майдонни баҳам кўрмоқда.

"Биз ушбу кубокни ютиш учун клубга катта пул ва куч сарфладик. "Интер" каби жамоа ҳар доим рақобатбардош бўлиши ва ғалаба йўлидан юриши керак. Ушбу соврин биз муҳим ишларни қилганимизни исботлайди.

Клуб учун мухлисларга кўплаб хихматларни таклиф эта оладиган, инновацион иншоот – янги стадион қуриш жуда зарур. Янги стадион бўлмаса, биз энг яхши клублардан орқада қоларверамиз. Бусиз аллақачон мухлисларни яхши структура билан таъминлаган бошқа клублардан ортда қоламиз", – деди Чжан.