"Интер" бош директори: "Умид қиламиз, тез орада Годиннинг трансферини эълон қиламиз"
22 фев 2019 14:29
Новости

"Интер" бош директори: "Умид қиламиз, тез орада Годиннинг трансферини эълон қиламиз"

"Интер" бош директори Беппе Маротта "Атлетико" ҳимоячиси Диего Годиннинг трансферини тез орада эълон қилишларига ишонишини айтиб ўтди.

"Годиннинг "Ювентус"га гол урганини кўриш ёқимли. Музокаралар ҳал қилувчи паллада эканлигидан мамнунман.

Ҳозирча бошқа ҳеч нарса дея олмайман. Мен ҳамма нарсага оптимист кўз билан қарайман, биз тез орада ушбу келишувни эълон қиламиз", - деди Маротта.

Олдинроқ "Интер" ёзда "Атлетико" билан келишуви якунига етадиган Годин билан эркин агент сифатида шартнома имзолаши ҳақида хабар берилган эди.