InStat. "Тоттенхэм" ҳимоядаги ютилган курашлар кўрсаткичи бўйича энг ёмон натижани қайд этди

Жорий мавсум ЧЛда лондонликлар ҳимоядаги курашларнинг 57%да ғолиб бўлди ва бу кўрсаткич бўйича энг яхши жамоалардан бири эди.

"Ювентус" ҳимоячиси Жоржо Кьеллини "Тоттенхэм" билан ўйинда курашларда зафар қучиш (18) ва тўпларни илиб кетиш (11) сони бўйича энг яхши бўлди. "Тоттенхэм"нинг тўрт ҳимоячиси ҳаводаги курашларда 10 марта устун келган бўлса, Кьеллини бир ўзи шундай кўрсаткич қайд этди. Бу мавсум италиялик ҳимоячи барча турнирларда ўртача 90 дақиқа ичида 10,3та курашда ғолиб чиқди.

"Манчестер Сити" футболчилари "Базель" дарвозасига жавоб ўйинида бор-йўғи 7та зарба беришди. Бу Гвардиола жамоасининг жорий мавсум барча турнирлардаги энг ёмон натижаси. "Манчестер Сити" Англия чемпионатида ўртача ҳар бир ўйинда 17та зарба беради ва бу кўрсаткич бўйича етакчи.

"Манчестер Сити" ҳимоячиси Александр Зинченко "Базель"га қарши ўйинда 12 марта тўпни йўқотди (3таси ўз ярим майдонида). Бунгача жорий мавсум Зинченко бир учрашувда кўпида 5 марта тўпни рақибга бериб қўяр эди.