Иммобиле нега клубда гол уриш бўйича сермаҳсул, термада эса у даражада эмаслигини айтди

Чиро "Лацио" сафида 268 та ўйинда 187 та гол урган. Шу билан бирга, ҳужумчининг Италия терма жамоасидаги натижаси у қадар ёрқин эмас - 55 ўйинда атиги 15 та гол. Иммобиле шу ҳақда фикр билдирди.

"Турлича ўйин тизимлари мен учун муаммо эмас, мураббийнинг ҳар қандай танловидан мамнунман. Мен ҳар куни ўзимдан муаммо нимада деб сўрайман. Эҳтимол ҳақиқат шундаки, "Лацио" таркибида мен учун хато қилиш ҳуқуқи кўпроқ", - деди Иммобиле.

Эслатиб ўтамиз, Италия терма жамоаси 2022 йилги жаҳон чемпионатида иштирок этмайди - жамоа саралашдан ўта олмади. "Скуадра Адзурра" охирги марта 2014 йилги жаҳон чемпионатида қатнашган.