Илҳом Мўминжонов: “Ўйиндаги тўхталишлар футболнинг бир қисми”

Илҳом Мўминжонов (“Навбаҳор” бош мураббийи): - Бугунги ғалабамизни “Навбаҳор”  мухлисларига бағишлаймиз. Айрим мухлисларимиз ҳаттоки, Бухорога келиб, бизни қўллаб-қувватлаб туришди ва уларнинг ишончларини оқлаганимиздан хурсандман. Шогирдларим бугун ажойиб ўйин намойиш этиб, зафар қучишди. Бунинг учун уларга ўз миннатдорчилигимни билдираман.

Ўйиндаги тўхталишлар футболнинг бир қисми. Ютқазаётган жамоа аъзолари эса буни атайлаб вақтни  чўзиш, деб тушунишади. Олдинги турда Наманганда “Нефтчи”га қарши кечган баҳсда ҳам худди шундай ҳолат юз берганди. Бизга фарғоналиклар вақтни чўзгандек туюлишганди. Баҳсдаги тўхталишларнинг кўпи дарвозабонимиз Акбар Тўраев билан боғлиқ бўлди. Яна бир дарвозабонимиз Ботирали Эргашев Ўзбекистон олимпия терма жамоаси йиғинида қатнашяпти. Акбар Тўраевда бироз жароҳат бўлишига қарамай, уни таваккал қилиб, майдонга туширлик. Яхши, у ўйиннинг охиригача ўйнади.

Акбар Тўраев (“Навбаҳор” дарвозабони): - Устозимиз Илҳом Иброҳимович таъкидлаганларидек, ғалабамизни жамоамизнинг барча мухлисларига бағишлаймиз. Учрашув жуда қийин кечди. Шундай бўлса-да, зафар қучдик. Кейинги ўйинларда ҳам ғалаба қозониб, мухлислар ишончини оқлаймиз, деган умиддаман.