Илҳом Мўминжонов: "Истеъфо? Мухлисларга натижа керак"

- Ўйин ҳақида

- Нима ҳам дейиш мумкин? Омадсизликлар давом этмоқда. Жамоа "чуқурлик"ка тушиб қолган. Бу ўз-ўзидан йигитларга таъсир қилмоқда. Бугун ўйинимиз чиқмади. 

Доимгидек стандарт вазиятда ҳимоячиларнинг қўпол хатоси эвазига гол ўтказиб юбордик. Олдинги чизиқда ҳеч нарса қилолмаяпмиз. 

Ҳужумчилар билан машғулотларда ишлаяпмиз. Кўпроқ ишлашимиз керак. 4 кундан кейин  "Олимпик" билан ўйнаймиз. Йигитлар қандай аҳволда эканлигимизни билиб туришибди. Буёғига вақт кўрсатади.

- Захирадан майдонга тушган футболчилар ўйинни кучайтира олишмаяпти...

- Кўряпсиз, захирамиз катта эмас. 2-3 турдан бери шу муаммо. Бугун ёшларни туширдик, чунки захирада сифатли футболчиларимиз йўқ. Кўпи жароҳат олган. Ишлашда давом этамиз. 

- Мухлислар, қолаверса, ижтимоий тармоқларда сизнинг истеъфонгиз ҳақида гапиришмоқда. Бунга қандай муносабат билдирасиз? 

- Мухлисларга натижа керак. Ҳар бир жамоада шундай. Олдинда ўйинларимиз бор. Ғалаба қозонмагунимизча ишлайверамиз.