RU

Последние новости

03:35А Серия. "Интер" ғалаба қозонди ва жадвал етакчисидан 1 очкога ортда қолмоқда  3 01:29"Манчестер Сити"нинг "Реал"га қарши баҳс олдидан ўтказган машғулотидан суратлар  18 00:51Англия Кубоги 5 босқичига қуръа ташланди  8 23:56Далот МЮ ҳақида: "Йирик клуб бунча кўп мағлубиятга учраганини, аммо шунга қарамай мухлислар қарсак чалганини ҳеч қачон кўрмаганман"  4 23:07"Интер Майами" янги мавсум учун либосини тақдим этди  0 22:28Гвардиола: "Реал" ҳужумини назорат қилиб бўлмайди"  127 22:13Назорат учрашуви. "Сўғдиёна" - "Тобол" 2:4  3 21:57"Қизилқум" Украина жамоаси билан муроса кўчасини танлади  0 21:13Назорат учрашуви. ОКМК Чехия клубининг фарм жамоаси билан дуранг ўйнади  5 20:20А Серия гранди "Барселона" кўзлаган футболчини илиб кетмоқчи  0 19:56Араухо яна сафдан чиқди  9 19:34АПЛнинг 3 та клуби Верраттини нишонга олди  1 19:12"Насаф" Руминия жамоаси билан муроса кўчасини танлади  5 18:55"Манчестер Сити" – "Реал". Тахминий таркиблар  117 18:38"Реал" ҳужум чизиғида ажойиб ўйинчилар йиғилган" — Гвардиола  11

II лига. Акрамжон Комилов туфайли – техник мағлубиятлар Новости

II лига. Акрамжон Комилов туфайли – техник мағлубиятлар

II лига жамоалари ўртасидаги Ўзбекистон чемпионатининг финал босқичида бугун иккинчи тур учрашувлари ўтказилди.
Пойтахтдаги “Ташсельмаш” стадионида майдон эгаси – “Обод” жамоаси “Бунёдкор”ни қабул қилди. Бу баҳс кутилмаган сценарийда ўтди. Биринчи лигага чиқишга қаттиқ аҳд қилганлиги учун, мазкур ўйинда фаворит ҳисобланган “Обод” биринчи бўлим ўртасида аянчли аҳволга тушиб қолди. Қандайдир 9 дақиқа ичида ёш “қалдирғочлар” рақиб дарвозасини уч маротаба нишонга олишга эришишди. Дастлабки иккита голга Владислав Нуриев муаллифлик қилди: 21 ва 26-дақиқаларда. Иккала сафар ҳам мезбонлар ҳимоячиларининг қўпол хатоларидан сўнг Нуриев “Обод” посбони билан яккама-якка ҳолатга чиқиб, вазиятлардан унумли фойдаланди. Учинчи голни эса узоқ масофадан берган чиройли зарбаси эвазига 29-дақиқада Иброҳим Ғофуров киритди.

Вазиятни қутқариб қолиш мақсадида, “Обод” бош мураббийи Фарҳод Сафаров ва-банкка кетди. У бир қатор алмаштиришлар амалга ошириб, ҳимоячилар сонини қисқартириб, ҳужумга катта куч ташлади. Бунинг оқибатида, “Обод” иккита жавоб тўпи киритишга муваффақ бўлди: Элёржон Акбаров дублга эришди. 60-дақиқада у пенальтини аниқ бажарди ҳамда 86-дақиқада жамоасининг иккинчи голини киритди. Қолганига эса вақт етмай қолди. “Бунёдкор” кеча худди шундай сценарий билан “Геофизика”да мағлубиятга учраганди. Яъни 0:3 ҳисобида бой бераётиб, якунда ҳисобни 2:3 қила олганди.

“А” гуруҳидаги иккинчи беллашувда Андижоннинг “ЎзДонг-Жу” клуби мусобақадаги дебютини ўтказди. Водий дербисида ҳисобни андижонликлар пенальтидан очишган эди. Аммо кўплаб бой берилган ва голга айлантирилмаган вазиятлар учун улар ўйин охирида жазо олишди. Стандартдан ошириб берилган тўпни Фарғонанинг “Динамо” жамоаси ўйинчиси боши билан нишонга аниқ йўллади. Ва шу тариқа турнирдаги илк дуранг қайд этилди – 1:1.

Аммо, лекин, бироқ... Мусобақага заявка топширишда ЎзПФЛ регламентининг тегишли бандини бузганлиги учун, “Бунёдкор”нинг кеча ва бугун ўтказган иккала ўйини натижалари бекор қилинди. Ачинарлиси, бугунги қийин эришилган ғалаба “ҳавога совурилди”. Гап шундаки, 2-лиганинг 2-босқичида иштирок этадиган жамоалар ўз рўйхатларига бу йил олий ва биринчи лигаларда тўп сурган футболчиларни ҳам киритишлари мумкин. Лекин фақат битта шарти билан: ўша футболчи энг камида 2013 йилнинг 15 сентябригача ўзининг ўша жамоасидан “отзаявка” қилиб юборилган бўлса. “Бунёдкор” рўйхатига киритилган чап қанот ҳимоячиси, ўсмирлар ўртасидаги ЖЧ-2013да Гондурас билан ўйинда антиқаҳрамонга айланган Акрамжон Комилов ёзда “Андижон”га ижарага берилган эди. У иккинчи даврада “Андижон” сафида 1-лигада ўйнади. Асосан терма жамоа йиғинларида банд бўлиб, у андижонликлар сафида ўзи аслида иккитагина учрашувда майдонга тушди. Аммо у мавсум охиригача “Андижон” таркибида ҳисобда бўлганлиги учун ҳам, “Бунёдкор” уни II лига финал босқичига заявка қила олмасди. Бироқ буни ҳеч ким инобатга олмаганлиги учун, бугун “Бунёдкор” машаққат билан эришган ғалаба шундоққина йўққа чиқди. Шундай қилиб, ёш “қалдирғочлар”нинг “Бунёдкор-Геофизика” билан кечаги (2:3, мағлубият) ва “Обод” билан бугунги (3:2, ғалаба) учрашувлари натижалари бекор қилинди ва уларга иккита техник (-:+) мағлубият ёзилди. Акрамжон Комиловнинг ўзи ҳам турнир охиригача дисквалификацияга учради.

Улуғбек Мирзаев

Ўзбекистон чемпионати. II лига. Финал босқичи
2-тур. 29 ноябрь
“А” гуруҳи

ЎзДонг-Жу – Динамо 1:1
Обод – Бунёдкор +:-
Турнир жадвали               Ў   О  Т-Н
1. Обод                            2   6   3-0
2. Бунёдкор-Геофизика     1   3   0-0
3. ЎзДонг-Жу                    1   1   1-1
4. Динамо                         2   1   1-4
5. Бунёдкор                      2   0   0-0

“Б” гуруҳи

Баҳор-Геолог – НДПИ 0:4
Ғиждувон – Толачи 2:0
Турнир жадвали             Ў   О  Т-Н
1. Ғиждувон                   2   6   4-0
2. Машъал                     1   3   5-1
3. НДПИ                         2   3   4-2
4. Баҳор-Геолог              1   0   0-4
5. Толачи                        2   0   1-7
Рейтинг:    

Комментарии

championat.asia
< посмотреть последние новости
Яндекс.Метрика