Игуаин: "Ҳаста онамга қараш учун футболни ташламоқчи бўлганман"

Игуаин оиласи футболчидан нохуш янгиликларни яширган, чунки Гонсало ўша пайт Аргентина терма жамоаси билан Америка Кубогида иштирок этаётган эди. Форвард Чилидан учралган мағлубиятдан сўнг ҳақиқатни билди. Кейинроқ Гонсалонинг онаси тўлиқ тузалиб кетди.

"Онамга қараш учун футболни ташлашга қарор қилгандим. Америка Кубоги пайти уйда бўлганимда мендан ниманидир яширишаётганини сезгандим, аммо ҳақиқатни билганимда шокка тушдим.

Ўзимни айбдор ҳис қилдим, чунки ҳеч нарсани билмай финалда ўйнаганман. Менга онамдан бошқа ҳеч нарса қизиқ эмас. Уларга футболдан кетишимни айтдим.

Онам эса майдонга чиқаётганимдан бахтли эканликларини, футбол ўйнашим кераклигини айтдилар.

Оилам ва дўстларим - менинг борлиғим, футбол эса кейинги ўринда. Одамлар буни тушуниши керак. Мухлислар сенда футболдан бошқа ҳеч нарса йўқ деб ўйлашади" - дейди Игуаин.