Игуаин: "Авваллари танқиддан қўрқиб кўчага чиқмас эдим"

"Аввал фақат уйда яшириниб ётганимдан афсусланаман. Танқиддан қўрқиб кўчага чиқмасдим. Ўзимни бундай тутмаслигим керак эди. Жуда ёмон ишлар қилиб, бундан уялмай кўчада юрганлар бор. Биз эса футболчилармиз, ҳеч кимни ўлдирмаганмиз, спорт билан шуғулланганимиз учун уялишимиз керакми?

Ҳозир танқид ҳақида ҳеч нарса билишни истамайман. Ижтимоий тармоқларда саҳифам йўқлиги менга ёрдам беряпти. Энг яхши лигаларда ўйнадим, жаҳон чемпионатларида қатнашдим. Беш ёшлигимда буларни тасаввур қила олмасдим. Нега бошқалар мени ҳавотирга солиши керак" - дейди Игуаин.