Игорь Таран: “100-голимни Жиззахда ураман”
04 авг 2015 11:21
Новости

Игорь Таран: “100-голимни Жиззахда ураман”

Кеча Ғузор шаҳрида бўлиб ўтган “Шўртан” ҳамда “Нефтчи” жамоалари ўртасидаги учрашув 4:1 ҳисобида, мезбонлар ғалабаси билан тугаганидан хабарингиз бор.

Учрашув якунида, ушбу ўйинда иккита голга муаллифлик ва қолган иккитасига ҳаммуаллифлик қилиб учрашув қаҳрамонига айланган, бундан ташқари “дубл”га эришиб ўз ҳисобига 99-голни ёздириб қуйган Игорь Таранни суҳбатга тортдик.

Игорь, сизни авваламбор бугунги ғалаба билан табриклаймиз. Бугунги учрашув ҳақида қисқача фикрларингиз?

Бугун жамоамиз анча қийин учрашувга тайёр турганди. Бахтимизга барчаси биз ўйлаганимиздан бироз осон кечди ва жамоамиз ажойиб ўйин намоиш этди. Жамоамиздаги футболчилар ҳам жисмоний жиҳатддан анча қувватга кириб, бир-бирларини тушунадиган бўлиб қолди. Йигитлар яхшигина тер тўкишди ва натижа ҳам шунга лойиқ бўлди деб ўйлайман.

Бугунги учрашувда иккита гол киритиб голларингиз сонини 99 тага етказдингиз. Красницкий номидаги тўпурарлар клубига аъзо бўлиш учун атиги биргина гол етмаяпти. Ушбу 100-голни қачон ва қаерда кўрамиз?

(Кулади) Ушбу голни бугунги учрашувда киритиш ниятим пайдо бўлганди, афсус ундай бўлиб чиқмади. Лекин кейинги учрашувда 100-голни албатта ураман. Бунинг учун бизга фақат муҳлисларнинг қуллаб-қувватлаши зарур.

Ссылка :

Источник : fcshurtan.uz

Получайте новости прямо в Telegram!

Рейтинг: +1