Игорь Шквирин: "Футболчилар ўйнашни исташмади? Агар улар хоҳламаганларида майдонга тушмасдилар"
14 мая 2016 21:21
Новости

Игорь Шквирин: "Футболчилар ўйнашни исташмади? Агар улар хоҳламаганларида майдонга тушмасдилар"

"Олмалиқ" бош мураббийи Игорь Шквирин "Сўғдиёна"га қарши ўйиндан сўнг фикрларини билдирди.

"Жамоа мағлуб бўлганида албатта рақибни табриклайман. Уларни ҳақли ғалаба билан табриклайман. Чунки, улар бизнинг футболчиларга қараганда кучли иштиёқ билан майдонга тушганликлари кўриниб турганди.

Йигитлар ўйнашни исташмади? Агар улар истамаганларида ўйнамаган бўлардилар. Балки бугун уларни ўйинга тайёрлай олмагандирмиз. Умуман, бугун осон рақибга қарши ўйнаганимиз йўқ. Масалан улар "Локомотив", "Нефтчи" жамоаларига қарши ҳам яхши ўйин кўрсатишганди.

Вазиятларни голга айлантира олмадик. Нафақат бизда, балки кўплаб жамоаларимизда ҳужумчилар муаммоси бор. Терма жамоамизни ҳам бу масала қийнаб келмоқда. Шунинг учун ҳужумларни якунлаш борасида кўп ишлашимиз лозим", - дейди Игорь Шквирин.

"Сўғдиёна" матбуот хизмати

Ссылка :

Источник : championat.asia

Получайте новости прямо в Telegram!

Рейтинг: +4