Игорь Сергеев: "Ҳакамларга ўйин борасида жиддий саволлар бор. "Пахтакор-79" билан боғлиқ фожиани унутмаслик лозим"
12 авг 12:13
Новости

Игорь Сергеев: "Ҳакамларга ўйин борасида жиддий саволлар бор. "Пахтакор-79" билан боғлиқ фожиани унутмаслик лозим"

Суперлиганинг 18-туридан жой олган "Динамо" – "Пахтакор" (1:1) учрашувидан сўнг меҳмонлар ҳужумчиси Игорь Сергеев ўз фикрлари билан ўртоқлашди.

"Ҳаммасини ўзингиз кўрдингиз. Қайғули хато ҳеч қандай хавф йўқ пайтда голга олиб келди. Ҳакамларга ўйин борасида жуда кўп саволлар бор. Ҳозир қизишган пайтимда бу ҳақда гапирмайман. Умид қиламанки, ҳакамлар қўмитаси ёки тегишли идора бу масалани кўриб чиқади. Ёки аниқлайди. Ёки аниқламайди, билмайман. Жуда жиддий саволлар мавжуд. Ўйинимизда баъзи хатолар бўлди, айниқса, ўтказиб юборилган гол асосий хатомиздир. Ўйинни тўлиқ назорат қилаётган эдик. Охирида гол урганимиз яхши бўлди, гарчи дуранг ўйнаган бўлсак-да, бу жуда ачинарли. ОКМК билан бўлгани каби, бугун ҳам ўйинни тўлиқ назорат қилдик. Шунчки тўп дарвозага киришни истамади.

"Пахтакор-79" – катта йўқотиш. Одатда биз ҳар йили хотира маросимига қабристонга борамиз. Мен академияда таҳсил олаётганимдан бери деярли ҳар йил хотирлаш маросимига борардим. Бугун шунчаки ўйин бўлгани учун, барча уларни ёд этишни ифодалсйдиган футболкаларда майдонга чиқди. Мониторда улар тўғрисидаги кадр кўрсатилди. Яна нимани айтишим мумкин? Жуда ачинарли, мен бу тарихни севаман, уни ҳеч қачон унутмаслик керак, академиядаги ёш футболчиларга ҳам буни сингдириш керак. Буюк "Пахтакор" билан боғлиқ фожиани унутмаслик лозим", деди 32 ёшли футболчи.