Игорь Голбан: "Пахтакор"дан Наманганда реванш оламиз"

Сайтимиз мухбири ўйиндан кейин "Навбаҳор"нинг марказий ҳимоячиси Игорь Голбаннинг фикрлари билан қизиқди. "Лочинлар"нинг мудофаа чизиғи вакили мағлубиятга сабаб, ўйиндаги хатолар ҳақида гапирди. 

"Умуман олганда биринчи бўлимда ёмон ҳаракат қилмадик, деб ўйлайман. Иккинчи бўлимда бирин-кетин хатоларга йўл қўя бошладик. Ҳужумларимизга якун етишмади. Агарда биринчи бўлиб гол уриб олганимизда ҳаммаси ўзгариб кетарди. "Пахтакор" дарвозамизга 3та аниқ зарба берди. Уларнинг бири гол билан тугади. Биргина пас кўп нарсани ҳал қилиб кетди. Футболда мана шу омил катта аҳамиятга эга. Принициал ўйинларда битта хато қимматга тушади. Футболда мағлуб бўлмайдиган жамоа йўқ. Нима ҳам дердим, олдинга интиламиз. Ҳаёт давом этади. "Пахтакор"дан Наманганда реванш оламиз",- дейди Голбан.