RU

Последние новости

02:24Суперлига. "Сурхон"дан мавсумдаги илк ғалаба, "Қўқон-1912"дан илк мағлубият, "Бунёдкор" ўз уйида "меҳмон" бўлди  0 01:31Бундеслига. "Бавария" сафарда иродали ғалаба қайд этди  0 01:09Саудия Арабистони. "Ал Насср" сафарда "Ал Ҳилол"ни мағлуб қилди, Роналдудан дубль!  16 00:59U-17 Осиё Кубоги. Япониядан йирик, Ямандан ишончли ғалаба  1 00:17Февзи Давлетов: "Менга нисбатан эътирозлар? Мухлислар доимо жамоага ишониши керак"  3 23:52Баҳром Ҳайдаров: "Иккинчи қизил карточка сабабли мағлуб бўлдик"  3 23:25U-17 Осиё Кубоги. Жанубий Корея мағлуб бўлди, Австралия дуранг ўйнади  3 22:53Илёс Зейтуллаев: "Мағлуб бўлмайдиган жамоа яратиш учун ҳимояланишни, ғалаба қозонадиган жамоа бўлиш учун ҳужум қилишни билиш керак"  7 22:18Суперлига. “Сурхон” мавсумдаги илк ғалабасини 9 киши бўлиб қолган “Қўқон-1912” устидан қўлга киритди   52 21:57Улуғбек Бакаев: "Бунёдкор" ғалабани кўпроқ истаган шекилли, омад уларга кулиб боқди"  11 21:43Карло Анчелотти: "Мбаппе билан ҳужумимиз кучайди, бироқ..."  3 21:16Рубен Аморим: "Мен келаси йилдаёқ АПЛни ютамиз демаганман"  2 20:49Ислом Исмоилов: "Хитойга қарши ўйин осон ўтмайди"  3 20:22"Реал"нинг март ойидаги энг яхши футболчиси эълон қилинди  4 19:55Суперлига. "Бунёдкор" "Бухоро"ни мағлуб этди ва пешқадамга айланди  31

Игало: "Ҳар куни эрталаб уйқудан турганимда ўзимни "Манчестер Юнайтед"нинг собиқ футболчиси эканлигимни ҳис қиламан" Новости

Игало: "Ҳар куни эрталаб уйқудан турганимда ўзимни "Манчестер Юнайтед"нинг собиқ футболчиси эканлигимни ҳис қиламан"

Ўтган мавсумда ижара асосида "Манчестер Юнайтед" таркибида ҳаракат қилган Одион Игало манкунианликлар таркибидаги ҳаёти ҳақида гапирди.

"Манчестер Юнайтед"да қолишимга имконият жуда кам эди. Менинг ёшимдагилар кўпроқ ўйин амалиётини истайди, менга эса маош ҳам керак эмасди. Кўпроқ ўйнашни истагандим.

Жуда ҳам хурсандман, йўлларим "Манчестер Юнайтед" билан кесишди. Бу клубни бутун бир юрагим билан севганман ва доимо таркибида ўйнашни орзу қилганман. Мураббийдан, собиқ жамоадошларимдан ва мухлислардан миннатдорман.

"Вест Хэм" ёки "Вест Бромвич" орқали АПЛда қолишим мумкин эди. Аммо Англиянинг, балки, дунёнинг энг катта клубларидан бири бўлган "Манчестер Юнайтед" таркибида ўйнаганимдан кейин АПЛда яна нима қилишим керак?

"Тоттенхэм"? Ҳа, яқин эдим. Агентим қўнғироқ қилиб, клубдагилар менга Хитойдаги каби маош тўлай олишини айтди. Бироқ "Манчестер Юнайтед" менга қизиқиш билдирганини эшитиб, қолган барча таклифларни рад қилдим.

Маошимнинг қисқариши мени қизиқтирмади. Асосийси - болалигимдан буён мухлислик қилган "Манчестер Юнайтед"да ўйнасам бўлгани эди. Ҳудодан мингдан минг миннатдорман. Ҳар куни эрталаб уйқудан турганимда ўзимни "Манчестер Юнайтед"нинг собиқ футболчиси сифатида ҳис қиламан.

Гарчи "Манчестер Юнайтед"да ўйнамаётган бўлсам-да, Нигерияда мухлислар ҳар куни исмим туширилган клуб либосларини сотиб олишади. Баъзида Манчестер шаҳрининг ўзидан либосларга буюртма бераман ва уларни маҳаллий инсонларга тарқатаман.

"Манчестер Юнайтед" таркибидаги илк нигериялик футболчи бўлганимдан ғурурланаман. Агар яна бу ҳақида гапирсам, йиғлаб юборишим мумкин. Чунки жуда ҳам миннатдорман.

Клубдаги энг ёрқин онлар? Барчаси! Ҳар куни эрталаб ўрнимдан туриб, машғулотларга боришим энг завқли онлар бўлган. Йигитларни кўриш, кулишларини, гапиришларини эшитиш... Ҳар бир ондан лаззат олганман.

Ижара муддати узайтирилганидан кейин деярли ўйинларга туширилмадим. Балки бу адолатсизликдир. Аммо клуб либосини кийиб, клуб шарафини ҳимоя қилиш учун имкон берган барчадан миннатдорман. Клубга келишимдан олдиноқ ҳар бир учрашувда майдонга тушмаслигимни билганман.

Сульшер? У ўйинингиз ўхшамай турган пайтда нима дейишни яхши билади. Уни қаттиқ ҳурмат қиламан. Чунки айнан у сабабли "Манчестер Юнайтед"га бордим. Усиз бунинг иложи йўқ эди.

У жуда ақлли мураббий. Тактик томондан ҳам. "Манчестер Юнайтед"га яхши футболчиларни олиб келишни билади, қўл остидаги барча футболчиларнинг кўзлари ёниб туради. Бу эса жуда яхши ҳолат.

АПЛда титуль? Олдинда 6-7 ўйин бор. Аммо "Сити"нинг 3 ўйинда мағлуб бўлишини кутмаяпман. Қийин бўлишини билиб турсам ҳам, ҳар куни "Манчестер Юнайтед"нинг чемпион бўлишига дуо қилиб турибман.

Лингард? Унинг ўйинларидан ажабланганим йўқ. У доимо машғулотларда юқори темпда ишлайди. "Манчестер Юнайтед" таркибида майдонга тушганда ҳам ўзини яхши кўрсата оларди.

"Манчестер Юнайтед" каби клубда ўйнагандан кейин доимо босим ҳис қилиб тураркансиз. Баъзида бу футболчига жуда қаттиқ босим беради. "Вест Хэм" "Манчестер Юнайтед" каби буюк эмас. Агарда ушбу клубга ўтганимда ўзимда камроқ босим ҳис қилган бўлардим.

Албатта, Лингардда "Юнайтед"да ўйнаш учун имконият бор. Аммо у захирада ўтириш учун жамоага қайтмаса керак деб ўйлайман. Чунки айни дамда у мунтазам ўйин амалиётига эга бўлмоқда. Агарда у олдингидек ишонч билан "Юнайтед"га қайтса, балки, асосий таркибда ҳам ўйнаши мумкин. Бу эса "Юнайтед" учун жуда фойдали.

Кавани? "Манчестер Юнайтед" илк кунданоқ футболчини қўллаб-қувватлайди. Клубдагилар менинг "Юнайтед"да қолишимни таклиф қилишганди. Аммо барчанинг ўз қарашлари ва қарорлари бор", - деди Игало.

Рейтинг: +23   

Комментарии

championat.asia
< посмотреть последние новости
Яндекс.Метрика